كلنا بندور على الحب

[walaa farouk]

كلنا بندور على الحب وبنضحي بوقتنا وجهدنا كتير علشان نوصله، لكن بيفضل جوانا نوع أو شكل للحب اللي بنتمناه! بس للأسف مع مرور الوقت بتقل طموحتنا والشروط اللي بنحطها للحب واحدة واحدة، يمكن من كتر ما أملنا بتخيب أو علشان أدركنا أن الشروط اللي بنحطها صعب نلاقيها كلها في شخص واحد.

بالرغم من كل المرات اللي خاب فيها أملنا في الحب لسه بندور عليه، لأن الحب بيدينا جمال خاص، وبيدخل فينا بهجة وبيرجع لوشنا ابتسامته، علشان كده هنفضل ندوّر عليه ونضيّع عليه وقتنا وجهدنا لغاية ما نلاقيه وممكن لغاية أخر لحظه في عمرنا كمان!

الحب حاجة جميلة وبتملى جوانا احتياج حقيقي بس لما نكون بندور عليه واحنا شبعانين من جوانا حقيقي أكيد طريقتنا هتختلف، الله مصدر الحب المُشبع وهو اللي حط فينا الاحتياج ده، علشان نروح له بيه، مش نمشي ندور إزاي نشبعه من بره!

ولما أكون انسان شبعان، مش أي حاجة هتقدر توقعني ولا همشي أدور على أي حاجة تشبعني والسلام .. الحب اللي هنلاقي فيه كل اللي بنتمناه، وعمره ما هيخيّب أملنا ابدًا، وهيدينا جمال مختلف لو أستمتعنا بيه فعلا، هو حب ربنا، الحب اللي فيه كل الصفات الحلوة أتجمعت ومستحيل نلاقي التجميعه دي في أي حد تاني، الحب اللي سهل نلاقيه ونتمتع بيه

.

[Mary Naeem]

ربنا يبارك حياتك

[walaa farouk]

ميرسى كتير على مرورك الغالى

[MenA M.G]

موضوعك مميز .. طرح رائع
ربنا يبارك خدمتك