|
 |
 |
 |
|
|
|
رقم المشاركة : ( 1 )
17 - 02 - 2017, 11:25 AM
|
|||||||||||
|
|||||||||||
 امتى ابتدي اعود ابني يخلع البامبرز .. امتى ابتدي التمرين على البوتي ؟! .. اعرف منين انه جاهز ؟! مبدئيا لازم نفرق بين حاجتين : قدرة الطفل على التحكم في البراز و قدرته على التحكم في البول سواء و هو صاحي او و هو نايم .. عموما مفيش سن محدد و الموضوع بيختلف من طفل للتاني .. بس الطبيعي : * الطفل يتحكم في البراز من سن ١٨ شهر لسنتين * الطفل يتحكم في البول اثناء النهار ((وهو صاحي)) من سن سنتين ل ٣ سنين * الطفل يتحكم في البول و هو نايم من سن ٣ ل ٤ سنين و ممكن يتأخر عن كده شوية كمان بس خدوا بالكم .. اهم بكتير من السن ان الطفل يظهر علامات انه يكون مستعد لكده (جسمانيا - عصبيا - نفسيا) و تنطبق عليه الشروط دي قبل ما نبدأ اي نوع من انواع التدريب: - انه يكون بيمشي كويس من غير مايقع و الأفضل يكون بيجري كمان .. لان ده بيدينا مؤشر انه جهازه العصبي تطور بصورة كافية و مش بيعاني من مشاكل في الحبل الشوكي - انه وقت الحمام يدي اي مؤشر انه حاسس انه بيعمل ((بيسكت فجأة .. ياخد جنب .. يبصلنا)) - انه يقدر يقعد ساعتين كاملين اثناء النهار من غير ما يبل نفسه .. لأن ده بيدينا مؤشر على قدرة المثانة على تخزين و استيعاب البول داخلها.. ((فحضرتك قبل ما تحاولي خالص .. هتكشفي كل ساعة و تسجلي في ورقة امتى يكون الطفل مبلول و امتى لا .. لمدة ٣ او ٤ ايام .. لو مش بيبقى جاف ساعتين كاملين يبقى لسه .. التدريب مفيش منه طائل دلوقتي)) - انه يطلب بعد ما يعمل انه يغير ((بأي طريقة حتى لو البكاء)) - انه يكون قادر على فهم الأوامر البسيطة ((تعالى هنا - امسك دي - روح لماما)) مينفعش ابدا تبتدي تمرن طفل مش فاهمك على البوتي .. - يكون عنده القدرة على ربط الأشياء ببعضها و فاهم علاقتها ببعضها يعني عارف ((فرشة للشعر)) ((جزمة للخروج)) و هكذا .. طبعا عشان يقدر يربط و يفهم ((بوتي للحمام)). - الا يكون بيعاني من متلازمة فرط الحركة - انه يكون قادر على الجلوس لفترة لا تقل عن ٣ - ٥ دقايق متصلين من غير ما يقوم و يتنطط ((طبعا عارفين ليه)) - قبل ما نبتدي خالص .. لازم نكون ابتدينا نعلمه كلمة او طريقة يقدر يعبر بيها عن احتياجه للحمام .. لأنه ممكن يكون حاسس .. قادر انه يمسك نفسه .. عايز يستخدم البوتي .. بس مش عارف يوصلنا ده ! - ميكونش بيعاني من امساك مزمن او اسهال وقت البداية .. لازم نتعامل مع المشاكل دي الأول - ميكونش بيعاني من التهابات في البول او ديدان في البراز لو مفيش اعراض تشككنا في كده خلاص .. مش محتاجين نعمل اي تحاليل خلاصة الموضوع .. ان مش السن بس هو اللي يحدد و ان كل طفل مختلف عن التاني .. مينفعش نقارن الأطفال ببعض .. مينفعش نضغط على ولادنا عشان ابن فلانة شال البامبرز او بنت علان بيعمل في البوتي .. لا احنا نضغط ولا نستجيب لضغط اللي حوالينا .. طفلك بينطبق عليه الشروط دي .. نبتدي .. غير كدا لا .. ملحوظة : البوتي هو ((القصرية)) عشان لو حد مش فاهم 
|
|
17 - 02 - 2017, 12:48 PM
|
رقم المشاركة : ( 2 ) | ||||
|
† Admin Woman †
|
رد: امتى ابتدي التمرين على البوتي ؟!
مشاركة جميلة جدا ربنا يبارك حياتك |
||||
|
|
|
17 - 02 - 2017, 04:18 PM
|
رقم المشاركة : ( 3 ) | ||||
|
..::| الاشراف العام |::..
|
رد: امتى ابتدي التمرين على البوتي ؟!
ميرسى لمرورك الغالى
 |
||||
|
|
|
17 - 02 - 2017, 11:41 PM
|
رقم المشاركة : ( 4 ) | ||||
|
..::| الإدارة العامة |::..
|
رد: امتى ابتدي التمرين على البوتي ؟!
ميرسى على مشاركتك الجميلة رينا
|
||||
|
|
|
18 - 02 - 2017, 01:30 PM
|
رقم المشاركة : ( 5 ) | ||||
|
..::| الاشراف العام |::..
|
رد: امتى ابتدي التمرين على البوتي ؟!
ميرسى لمرورك الغالى |
||||
|
|
|
25 - 04 - 2017, 04:13 PM
|
رقم المشاركة : ( 7 ) | ||||
|
..::| الاشراف العام |::..
|
رد: امتى ابتدي التمرين على البوتي ؟!
ميرسى لمرورك الغالى
|
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| لماذا أخفت سماح نجلها عن الناس وأخبرتهم أنه ابنها من التنبي؟ |
| أداة التمرين ThighMaster |
| التمرين على الصيد بالبندقية |
| ساندويتش اثقال التمرين |
| 5 خطوات لتعليم طفلك استخدام البوتى |
العرض المتطور