اللي يخاف من العفريت يطلعله

[walaa farouk]

اللي يخاف من العفريت يطلعله!
قالوا في الأمثال كلام موزون في منه معقول وفي منه مش مقبول!
مثالنا انهاردة عن الخوف والعفريت اللي أتكلم عنهم أيوب من زمان في (أي ٣: ٢٥) “لِأَنِّي ٱرْتِعَابًا ٱرْتَعَبْتُ فَأَتَانِي، وَٱلَّذِي فَزِعْتُ مِنْهُ جَاءَ عَلَيَّ.” بالمنطق والعقل ده كلام مش مقبول بس لما نفكر فيه هنلاقيه كلام معقول.
على الأصل دوّر

ممكن يحصلك حاجة معينة بسبب شدة خوفك منها فتتحول كل تصرفاتك وأفعالك ناحية الأمر ده بخوف شديد جواك من أنه يحصلك ، وفي بعض الأوقات تصرفاتك هتخليك تروح ناحية الحاجة اللي خايف منها، زي مثلاً جواك خوف لتترفد، والخوف ده سيطر عليك هتلاقي نفسك حاسس بالظلم ناحية مديرك وبتعامله وحش، وقرفان من الشغل فبتهمل فيه.. فبناء على خوفك اللي سيطر عليك هتتصرف والحاجة اللي خايف منها هتحصل نتيجة لتصرفاتك، فالخوف هو مصدر أساسي لأغلب مشاكلنا. علشان كده الله قال لنا في مرات كثيرة لا تخف، علشان يطمننا ويهدينا لأنه عارف كويس تأثير الخوف على حياتنا ونتيجته المدمرة عادةً، علشان كده لو كنت كنت خايف من أن يحصلك حاجة معينه، أطلب من الله أنه يديك هدوء وسلام ومتتشغلش بالأمر اكثر من اللازم ومتسبهوش يأثر على أفعالك.

[Rena Jesus]

ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي كتير على مروركم الغالى

[MenA M.G]

توبيك أكثر من روعة .. مشاركة جميلة جدا
دائماً فى تقدم ورقى
ربنا يبارك خدمتك