مع ساندرا وصموئيل

[nasser]

سؤال
محيرنى؟

ساندرا:ليه الطفل يسوع قابل المجوس وقبل هداياهم؟
صموئيل:إنتى تعرفى يعنى إيه مجوس؟دول ناس من بلاد فارس وهما من علماء الفلك وسمعوا عن يسوع المسيّا المنتظر من دانيال واليهود المسبيين هناك.
ساندرا:يعنى عندهم خبر من قبل كده؟
صموئيل:طبعاً وكان عندهم نبى إسمه زرادشت تنبأ بالمُخلّص وقال إن نجمه هيظهر فى السما وعلشان كده كانوا منتظرين النجم ده.
ساندرا:طب ليه يسوع يقابلهم؟
صموئيل:لأن يسوع المسيح جه ليصنع خلاص لكل العالم وللأمم كمان مش اليهود بس.
ساندرا:وأخد منهم الهدايا؟
صموئيل:على الفكرة الهدايا دى كانت إعلان عن يسوع الملك والكاهن والمتألم كمان الهدايا دى كانت كنز علشان عيلة المسيح تعيش بيها أثناء رحلتهم لمصر ولمدة سنتين حتى عودتهم للناصرة الرب يقبل كل الهدايا التى تأتى من قلب بيحبه ويؤمن به.
ساندرا:شكراً للرب على نعمته الغنية ومحبّته للجميع.
صموئيل:ياترى هاتقدميله إيه فى عيد ميلاده؟هو عايز قلبِك..آمين.

[Mary Naeem]

رووووووووووعة يا ناصر

ربنا يبارك خدمتك المتميزة

[walaa farouk]

جميلة جدااااا جدا يا ناصر

[nasser]

مارى
ولاء
شكراً على مروركم الجميل وتشجيعكم

[Rena Jesus]

روووووووووووووووووووعه
ميرسى ربنا يبارك تعب محبتك

[nasser]

شكراً رينا على مرورك الجميل وتشجيعك

[nasser]

سؤال
محيرنى؟

ساندرا:أنا مش مبسوطة من نفسى خالص
صموئيل:ليه..إنتى عملتى حاجة غلط؟
ساندرا:أيوه..أنا بأعند مع بابا وماما..وأصر على رأيى دائماً وده بيعملى مشاكل كتير معاهم..
صموئيل:طب إنتى عارفه إنه غلط ليه بتعملى كده؟
ساندرا:لأنى مش عارفة أقنعهم باللى أنا عايزة أعمله وبحياتى اللى عايشاها..فأضطر أعند معاهم..
صموئيل::لا العناد خطية وحشة..لازم تعرفى إنك بتعندى معاهم علشان إما إنك بتعملى حاجة غلط وتصرى عليها...إما إنك تقنعيهم بالأمر الصحيح اللى إنتى عايزاه وفى الحالتين ده ضعف وعجز لازم نعالجه.
ساندرا:يعنى ممكن أكون عاوزة حاجة غلط؟
صموئيل:طبعاً..أحياناً عقلى يدفعنى لعمل أشياء غلط..وطبعاً بابا وماما مش هايوافقوا عليها علشان بيحبونى..علشان كده محتاج أراجع نفسى فى احتياجى ده.
ساندرا:طب..لو موقفى صحيح..أعمل إيه؟
صموئيل:يبقى فى الحالة دى محتاجة تتعلمى إزاى تتناقشى معاهم وتزودى فترة الحوار معاهم ونفهم ليهً رافضين..ونوصل معاهم لحل.
ساندرا:ولو مقدرتش؟؟؟
صموئيل:يبقى أنفذ كلام الكتاب وأخضع لهم حتى نصل لحل ولازم نتوب عن العناد لأنه كعبادة الوثن"والعناد كالوثن"-1صم(23:15)

[nasser]

سؤال
محيرنى؟

صموئيل:ياترى عملتى إيه فى امتحانات نصف السنة؟
ساندرا:عملت كويس لكن صراحة اكتشفت إنى كنت مقصرة فى المذاكرة
صموئيل:طب وقررتى إيه بقى؟
ساندرا:قررت إنى بعد كده هاذاكر اللى بناخده أول بأول
صموئيل:الرب يسوع كان مجتهد فى المذاكرة أكتر من أصحابه
ساندرا:عرفنا منين بقى؟ هو كان بيذاكر؟
صموئيل:طبعاً كان الشاب اليهودى لازم يحفظ الناموس وكتب الأنبياء وعند سن 12 سنة يقف قدام الشيوخ الكبار ويمتحنوه فى الهيكل ويحكى لنا البشير لوقا"وكل الذين سمعوه بهتوا من فهمه وأجوبته"(لو47:2).
ساندرا:وهل كان بيشتغل باجتهاد كمان؟
صموئيل:طبعاً كان نجار ناجح ومشهور حتى إن الناس لما شافوه بيخدم سألوا"أليس هذا هو النجار ابن مريم"(مر3:6)
ساندرا:وطبعاً الرب يسوع كان مجتهد فى الخدمة كمان مش كده؟
صموئيل:أيوه كان يقضى اليوم كله فى الكرازة وتقديم الشفاء للنفوس ويقضى الليل كله فى الصلاة.
ساندرا:أوعدك يارب هاعمل كده وأكون مجتهدة فى كل شىء

[walaa farouk]

ميرسي على مشاركتك الجميلة ناصر

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك