ممكن تترك ايه عشان يسوع ؟؟؟

[walaa farouk]

يسوع بيقول عندك افتقاد....... معلش مش فاضي
يسوع بيقول عندك قداس....... معلش مش قادر اصحي
يسوع بيقول عايز أسمع صوتك....... معلش تعبان
يسوع بيقول أقرا كتابي...... معلش مش دلوقتي
يسوع بيقول في إجتماع خدمه...... معلش في حاجه عندي ضروري عايز أعملها ولازم أتفرج عليها

يسوع بيقول............ كل يوم يسوع بيقولك حاجه تعملها علشان تقرب ليه....... وأنت مصمم إن في حاجات كتيييره عندك أهم....... يسوع عايز يسمع صوتك...... بيحبك أوي....... لكن هو عندنا مش الاول...... هو عندنا رقم (؟؟؟؟؟).........

جمله مشهوره عندنا تملي بنقولها علشان ضمرنا نخدره وهي (بديهي جدا ربنا هو الاول بس احنا هانعمل الحاجات اللي بنحبها علشان نرضي جميع الاطراف وربنا برضه موجود معانا ممكن اروح القداس من النص...... ممكن اصلي صلاه صغيره....... ممكن وممكن وممكن) حجج الشيطان يصورها لي انها حل مناسب وابقي بكده مسكت العصايا من النص بحاول ارضي الناس دون الله والشيطان يصور لي ان انا كده شاطر وكويس علشان برضي الجميع...... خلي بالك يسوع قال

15 أَنَا عَارِفٌ أَعْمَالَكَ، أَنَّكَ لَسْتَ بَارِدًا وَلاَ حَارًّا. لَيْتَكَ كُنْتَ بَارِدًا أَوْ حَارًّا 16 هكَذَا لأَنَّكَ فَاتِرٌ، وَلَسْتَ بَارِدًا وَلاَ حَارًّا، أَنَا مُزْمِعٌ أَنْ أَتَقَيَّأَكَ مِنْ فَمِي. رؤية يوحنا اللاهوتى16-15:3

يسوع مابيحبش أنصاف الحلول مابيحبش اللون الرمادي يسوع بيحب كلمه واحده بس (أنا معاك يارب أتبعك حيثما كنت معك لا أريد شيئا علي الأرض)

سؤال؟؟؟؟؟؟
ممكن تترك إيه علشان يسوع؟؟؟؟

[Mary Naeem]

مشاركة جميلة جدا

ربنا يبارك حياتك

[Rena Jesus]

مشاركه جميله جدا
ميرسى ربنا يفرح قلبك
ويبارك تعب محبتك

[walaa farouk]

مارى
رينا
ميرسى على مرروكم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك