حب_مشروط_حب_كوسه

[walaa farouk]

#الهنا_اله_غيور
الحب مش عيب ...اه ده بس لما اتنين يحبو في بعض بالساعات يوميا او تقريبا طول اليوم مهما عملت فيه بيعبدها ومهما طلعت عينه بيعشقها وهو مهما تجاهلها تتعلق بيه وتغير عليه .
انما بقا مع ربنا الحب بقا بشروط يعني لو ربنا منفذش طلبه هيكسر صيامه ولو فضي جيبه قبل نهايه الشهر هيبقا بسبب الاتنين جنيه اللي حطهم في صندوق العدرا قال يعني لما جابلها دبدوب احمر ودبدوب فوشيا ودبدوب بيقول i love you كان متخدر ونسي ما يشوف وصل الحساب بتاعهم .....ولا لو طلبته الساعه 6 الصبح يروح يرميلها الزباله هينط يروحلها حتى لو كان بيموت انما ربنا يقوله بص مش فاضي ياربي اجيلك القداس يعني كان لازم بكرو الي تجدوني ما كنت خليت القداس الساعه 5 المغرب يدوب اقوم اغسل وشي واجي ......ولا لما ييجي الفلانتين وتصحى الساعه 4 الفجر تشقر ع الفيس بتاعها وتلاقيه عاملها بوست فخيم من ابو قلوب اصله حافظ تاريخ عيد الفلانتين لكن لما ييجي يحب يصوم يسأل هو صوم الميلاد امتا مش عشان يصوم لا عشان يعمل حسابه ياكل شاورمه في الرفاع ....... .ويا عيني لو ضفرها اتكسر وهي بتفتح الكنزايه ده يبقا ربنا ده صعب اوي ولا لو شعرها اتحرق بالمكوة الرجل اللي بتكويه بيها ده يبقا ربنا يبقا نسيها ومش هتعتب الكنيسه تاني اه ما هي بقيت قرعه.....لكن لو خطيبها داس على رجلها وهما بيتسكعو على الكورنيش ده هيبقا ضرب الحبيب زي اكل الزبيب اه بجد
للاسف ربنا مهضوم حقه جدا معانا وفي الاخر نقف نقوله لا تجازنا بحسب كثرة اثامنا وهو حنين بيسامحنا و بيحبنا
ربنا قال الاولى تحب الهك من كل قلب والثانيه مثلها تحب قريبك كنفسك ..مش العكس .يعني حدد اولوياتك

[Rena Jesus]

موضوع جميل
ميرسى ربنا يفرح قلبك

[Mary Naeem]

مشاركة جميلة جدا

ربنا يبارك حياتك

[walaa farouk]

رينا
مارى
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مرورك الغالى مينا

[marit jesus]

رووووووووعة يالولو

[walaa farouk]

ميرسي على مرورك الغالى ماريت