| |
|
|
|
|
|
||||||
 |
|
|
أدوات الموضوع | انواع عرض الموضوع |
|
|
|
#1
14 - 08 - 2016, 08:10 AM
|
||||
|
||||
|
عنبر 11 عنبر لو بصيت على الناس اللي جواه ممكن تسميه عنبر مجانين زي ما ناس كتير سموه. تعال أحكيلك عن عيِّنة من الناس اللي في العنبر دا: راجل مسافر بالعربية وقَّفته لجنة في الطريق، الظابط سأله بكل أدب: “مسافر على فين يا أستاذ؟” رد عليه قاله: “ما عرفش بس أنا رايح مكان رائع جدًا”! واحدة ست عجوزة في محل ملابس أطفال بتشتري لبس لنونو، سألتها اللي شغالة في المحل: “هو حضرتك جايباه لحد من أولادك ولا أولاد ولادك؟” ردت عليها وقالتلها: “دا لإبني اللي لسه هخلفه”! طفل صغير معاه نبلة وكام زلطة، بيسألوه أصحابه: “إنت رايح تصطاد فين ما تصطاد معانا؟” رد عليهم قالهم: “أنا مش رايح اصطاد عصافير أنا رايح أقتل عدونا الجبار”! راجل عجوز راح يعقِد صفقة خشب كبيرة جدًا، ولما التاجر قاله: “أنت عايز كل الخشب دا ليه، أنت هتبني شركة كبيرة ولا هتصدر الخشب دا برة؟” رد عليه وقاله: “أنا بابني سفينة كبيرة عشان فيه طوفان كبير جاي”! واحد بيطحن قمح راح يشتري 300 جرة، الراجل البياع قاله: “يا عم القمح بيتحط ف شكارة مش في جرة، ولا عشان هتهربهم؟” قاله: “لأ، أصل أنا هحط فيهم مصابيح عشان ناوي أحارب بيهم”! حفيد الرئيس راح السجل المدني عشان يغير بياناته، فالموظف قاله: “مش عاجبك اسمك يا باشا تحب نغيرهولك؟” قاله: “لأ، أنا مش عاجبني إني أبقى ابن بنت رئيس الجمهورية”! وناس كتير ف عنبر 11 ماينفعش أقولهم كلهم أنا قولتلك عينة منهم. الناس حكموا على اللي ف العنبر دا إنهم مجانين، بس في الحقيقة اللي الناس بتسميه جنان، الكتاب قال عنه إيمان. تخيل لو سمعوا لكلام الناس، هل كانوا وصلوا للي صدقوه واللي حسبوه؟ إبراهيم وسارة وداود ونوح وجدعون وموسى، وناس كتير الناس حطوهم ف عنبر11، عنبر المجانين، لكن الكتاب حطّهم في عبرانيين11، عنبر الايمان. لو عندك إيمان والناس شايفاه جنان، وحاسس إنهم هيحطوك ف عنبر11، يبقى بجد يا بختك عشان اللي بيدخل العنبر دا بيطلع على عنبر الإيمان عِدِل. أرجوك ارجع صدَّق في اللي مش متشاف، واللي ربنا عايزه، واللي الناس شايفاه مستحيل، واللي ضد الطبيعة، وضد سنك وامكانياتك، واتنازل عشان تحقق حلمك. حتى لو فضلت طول عمرك بتعمل شغلك في عنبر11، زي ما فيه ناس دخلت عنبر الإيمان وهي عايشة، فيه ناس مانالتش المواعيد بس برضه اتحطوا في عنبر الإيمان بعد ما ماتو. ملحوظة:كبيرك وسيدك حطوه في عنبر 11 ومش أي ناس، دول قرايبه وقالوا عليه إنه “مختل”. أنا بقولك نفس الكلمة اللي موجودة في مرقس3: 21، فسيبك من كلام الناس ولو قالوا عنك مختل يبقى يا بختك. بأحط اسمي في قائمة الراغبين في الدخول لعنبر11.. أنا مش عارف هبقى رقم كام في الكشف بس أنا متأكد إني مش أول واحد عشان الكشف دا من أيام هابيل (عبرانيين11: 4) ومتأكد إن في ناس كتير بعدي عشان القايمة متنفعش تكمل من غيرك (عبرانيين11: 40)، تيجي تحط إسمك معايا في الكشف؟! وتاخد رقم(....)؟! ولو أنت في الكشف دا أصلاً باشجَّعك ما تفشلش لكن بالعكس كمِّل وشجَّع كل اللي خايفين ياخدوا الخطوة دي ويتكتب إسمهم. سلااام واقابلكم في عنبر11 عنبر الإيمان 
|
|
#2
14 - 08 - 2016, 08:14 AM
|
||||
|
||||
|
بس في الحقيقة اللي الناس بتسميه جنان، الكتاب قال عنه إيمان
روووووووووووووووووووووووووووووووووووعه
|
|
#3
14 - 08 - 2016, 09:03 AM
|
||||
|
||||
|
رينا هو هنا الكاتب مش يقصد الجنان بالمعنى الحرفي
هو يقصد فعلا ان الإيمان غير مدرك ولا يستوعبة عقل مع الفارق فى التشبية بين الجنان والإيمان ميرسي على مرورك الغالى رينا
|
|
#4
15 - 08 - 2016, 12:27 AM
|
||||
|
||||
|
مشاركة جميلة جدا ربنا يبارك حياتك
|
|
#5
15 - 08 - 2016, 12:35 AM
|
||||
|
||||
|
رووووووووووووووووووووووووووووووعة يالولو
موضوع شيق ومفيد وانا شخصيا استفدت منه وطلعت منه بحاجة حلوة اووووووووووووى انى هااحط اسمى فى عنبر 11 واخد رقم وابقى مع الناس المؤمنة دى وعندها ثقة كبيرة فى ربنا حتى لو قالوا عليها مختالة ومجنونة هما بحب وايمان ربنا مالين عقولهم وقلوبهم ربنا يعوض تعب محبتك
|
|
#6
15 - 08 - 2016, 04:06 PM
|
||||
|
||||
|
مارى
ماريت ميرسي كتير على مروركم الغالى
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ما هو عنبر الحوت وكيف يتم استخدامه؟ | walaa farouk | قسم المواضيع العامة المتنوعة | 0 | 22 - 10 - 2020 01:55 PM |
| جزيرة عنبر كاي في بليز | Mary Naeem | قسم سياحة عالمية | 0 | 02 - 08 - 2019 04:28 PM |
| عنبر 11 | walaa farouk | ركن أرشيف المواضيع | 1 | 17 - 08 - 2018 12:52 PM |
| عنتر الشباب شايل سيفه | walaa farouk | ركن أرشيف المواضيع | 1 | 02 - 07 - 2017 01:12 PM |
| 8 غرب.. لغز «عنبر الموت» فى مستشفى العباسية | Mary Naeem | قسم الأخبار العالمية والمحلية | 0 | 27 - 08 - 2015 05:12 PM |
العرض المتطور