أول تعليق من أحمد عز بعد خسارته قضية نسب طفلي زينة
خرج الفنان أحمد عز، مساء الخميس، عن صمته ليعلق على قضيته مع النجمة زينة، بعد أن رفضت محكمة الأسرة الاستنئاف المقدم منه على حكم محكمة الأسرة بإثبات نسب توءمه زين الدين وعز الدين أبناء الفنانة زينة.
ونشر عز رسالة إلى جمهوره عبر صفحته على "فيسبوك" قائلاً "مساء الفل يا عيلتى وأهلي كتير سألوا عليا إمبارح، وأنا بطمنكم أنا الحمد الله كويس وزى الفل، وراضى باللي ربنا كاتبهولي كله، وأنا كمان مش بس راضي أنا سعيد بالابتلاء اللي أنا فيه عشان واثق في ربنا وفي نصره عاجلا أم آجلا".
وأضاف "اللي أنا فيه ده ما هو إلا رفع درجات بإذن الله، طبعا أنا لا أعلق على أحكام القضاء، ومش هطلع أعمل دوشة ولا أتكلم، علشان سايب حقي على ربنا العادل الحق، اللي بقولهولكم دلوقتي هو نفسه اللي بقولوا من أول يوم في القضية، وأقسم بالله العلي العظيم إني متجوزتهاش ولا رسمي ولا عرفي ولا شفهي ولا ثانية، وإن شاء الله يكون معاها 100 حكم و100 شهادة ميلاد برضو مش ولادي".
واختتم رسالته بآية من القرآن الكريم "بسم الله الرحمن الرحيم (ولا تحسبن الله غافلاً عما يعمل الظالمون إنما يؤخرهم ليوم تشخص فيه الأبصار).
هذا الخبر منقول من : دوت مصر
15 - 01 - 2016, 01:30 PM
العرض المتطور