معندناش هوشع للاسف

[walaa farouk]

معلش ممكن اخد من وقتك 3 دقايق بس
ممكن اقطع حالة الرومانسية اللى حضرتك عايش فيها
ممكن اقولك كفايه كلام وتامل فى قصة يعقوب وراحيل لانها مش مثال الحب الفظيع الجامد اللى ملوش مثيل وفعلاىدى قصة طبيعية جدا ايوه قصة طبيعية جدا
طب حاول تفهم معايا كده ليه يعقوب حب راحيل ؟؟؟
اولا راحيل كانت جميلة جدا وواضح ان مكنش حد فى اللى حواليها فى جمالها حتى اختها
كمان كانت بنت خالة اللى كان غنى والوحيد اللى يعرف يعقوب وقبله وهو هربان من عيسو فى الغربة فالموضوع كان ماشى زى الفل
ومين انسان عاقل ما يحبش بنت جميلة وابوها خاله وفى الغربة ها يساعده وكمان غنى ؟!
ثم ان فكرة ال7 سنين دول كانت طبيعى لانه جاى معوش حاجة جاى هربان هيتجوز ازاى اول ما يحب؟!
كويس انه اشتغل وربنا باركه عشان يعرف يتجوز
دا حتى بعد ال 7 سنين لما انضحك عليه واتجوز ليئة الوحشة زاد تعلقة براحيل الجميلة دى حاجة فى نفسيه الانسان
لا تفقد المشاعر الا بالامتلاك (امتلاك المحبوب) اللى مش معاه بيتعلق اكتر واكتر ويفضل مستنيها لانها افضل وانسب الاختيارات
كان حب طبيعى من شخص عادى محتاج حب وجمال وعيله وعزوه وغنى صدقونى طبيعى
اومال ايه اللى فوق الطبيعي ونادرا لما تلاقيه ؟ هوشع وجومر !!!!
هوشع النبى دا راجل تقى جدا كلنا عارفينه ونسمع عنه بس ربنا لما وجهله رسالة كانت مختلفة جدا عن باقى الانبياء الله
كلمة مش عشان يكلم إسرائيل ولا يبشر حد ولا يتنبا على امم او ممالك ولا يكتب رؤيا او حاجة من الكلام ده
قاله روح اتجوز جومر ( العاهرة )' اللى مش هتشرفك قدام الناس اللى هتتعبك اللى هتبذل مجهود مضاعف علشان توصلها حبك اللى ملهاش قيمة زى باقى البنات والعرسان مش بيتخانقوا عليها
جومر يارب !!!!!
طب ليه !!!
طب رجولتى ؟؟ طب سمعتى ؟؟؟ طب هيبتى وسط الناس ؟؟ كان نفسى اتجوز واحدة الرجاله كلها تحسدنى عليها كان نفسى لما ابقى ماشى معاها البنات تغير منها ومن جمالها ولا اخلاقها ولا عيلتها ولا ايه ولا ايه
بس عموما اللى تشوفه يارب
وفعلا اتنازل واتجوزها وزى ما بيقولوا كده رضينا بالهم والهم مش راضى بينا
جومر بقت تهرب منه تخيل هى اللى بتهرب اصلها مش متعوده على الحب النقى الثابت الهادى بتحب التنطيط والتغير بتزهق لكن هو مزهقش وكان كل مرة يروح وراها ويرجعها وعمل اكتر حاجة صعبه تربطه بيها
عارفين عمل ايه خلف منها
باختصار هوشع حبها لما مكنش فيه اى سبب يخليه يحبها
حبها لما رمى الناس والتقاليد والسمعة والمنظر والشكل ورا ضهرة
حبها لما فضل الحب وقرر يسمع صوت الله وينسى احتياج الرجوله الاول
التقدير منها ومن اللى حواليه بهدوء مش فى دوشه بثبات مش بتقلب فى المشاعر
دلوقتى لما ببص على قصص الحب بلاقى عندنا عاشقين وولهانين ورومانسيين بالهبل بس للاسف حبهم دا بحدود عشان الظروف سامحه والناس موافقه واللى حواليهم بيصقفولهم عندنا يعقوب كتتتير بس للاسف معندناش هوشع معندناش حد يكمل حتى ضد رغبته حتى ضد الناس ويبقى مجنون بالنسبالهم بس عاقل فى وجهة نظر الحب
معندناش هوشع للاسف.....

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسى على مرورك الجميل مارى