اعفاء من الجيش بشفاعة الشهيد أبالي بن يسطس

[بنت معلم الاجيال]

الاعفاء من الجيش:
انا طلبت من الشهيد ابالى ان اخرج من الجيش اعفاء ووظيفة فى حالة خروجى من الجيش وانا كنت على معرفة بالشهيد ابالى من قبل وقد نذرت له 150 نبذه على الاعفاء والوظيفة وقد تقابلت مع خادم الجسد عم/ فتحى ووالدتى تكلمت معه على الاعفاء والوظيفة علشان اتجوز انا وخطيبتى وهوقال لها انا هبعتهولك وانتى اطلبى منه اللى انتى عايزاه وبعد ذلك دخلنا المزار وعملنا تمجيد للشهيد ابالى .
وذهبت بع ذلك الى منطقة التجنيد يوم الاربعاء 2014/2/5 ومشيت فى الاجراءات وبعدها دخلت على الكشف الطبى ولكن كان لا يوجد دكتور علشان يكشف على النظر وطلب منى ان اذهب يوم تانى وهو السبت 2014/2/8 وبعدها الدكتور كتبلى انى لائق (ب) فى النظر وبعدها اخذت بطاقة الترشيح وكان مكتوب فيها ظابط احتياطى .
وبعدها ذهبت لميعاد الإرجه وهو يوم الاربعاء 2014/2/26 وسمعت فى الإرجه انهم محتاجين التخصص بتاعى وهو هندسة اتصالات وقالوا ان هذا التخصص كله ظباط احتياط وبعدها جاء كثير من الاقارب علشان يعرضوا علىّ انهم ينزلونى الى عسكرى بدلاً من ظابط ولكن انا رفضت وقلت اللى فيه الخير هيقدمه ربنا وكانت عندى ثقة كبيرة جداً فى الشهيد ابالى بأنه هو الذى سيخرجنى من الجيش .
وتحدد لى بعد ذلك ميعاد كشف الهيئة فى حلمية الزيتون وذهبت وكان هذا يوم الاربعاء 2014/3/12 وقالوا اللى عنده اى شكوى طبية يقعد على جنب وبعد انتظار ساعة ونصف جاءوا وقالوا اللى عنده شكوى طبية فى الرمد يقعد اقصى اليمين وبعدها وضعوا لنا قطرة للعين وبعدها بساعة دخلت للدكتور وكان برتبة نقيب وقالى ايه مشكلتك فقلت له نظرى ضعيف وبعدها كشف على عينىّ وقال للدكتور المساعد ان يضع لى قطرة مرة اخرى واقف فى اخر الطابور وبعد انتظار كشف علىّ مرة اخرى وطلب من الدكتور المساعد كتاب القانون وقالى اتفضل وبعدها استلمت الورق بتاعى مكتوب فيه غير لائق طبى بالأحمر .
وبعد انتظار وصل ل 3 ساعات تحدد لنا ميعاد العرض على الاستشارى يوم السبت 2014/3/29 وذهبت فى ذلك اليوم وبعد انتظار دام كثيرا جاء الستشارى وتم الكشف ولكنه كشف سريع وبعدها خرج الاستشارى وقال
(مبروك) واستلمت ورقة علشان استلم بها شهادة الاعفاء يوم 2014/4/12
ورزقت بوظيفه بعدها بفترة وتمت المعجزة بشفاعة الشهيد ابالى .
بركة وشفاعة الشهيد ابالى بن يسطس وجميع مصاف القديسين تكون معانا ولربنا المجد الدائم الى الابد اميــــــــــــــــــــن

[Mary Naeem]

مشاركة جميلة جدا

ربنا يبارك حياتك

[بنت معلم الاجيال]