ينفع يارب شوية تراب يسألوك؟
ينفع يارب شوية تراب يلوموك؟
وبكل حب يعاتبوك ؟
ينفع ياملك الملوك ؟
هو ليه يارب الحزن ملأ حياتنا ؟
ولما بنكتبه فى ذكرياتنا
الناس بتقراه فى كل همساتنا
لية الحزن اصبح اقرب لينا من ناسنا ؟
ليه يارب الحزن بقا فى عيون الناس مرسوم؟
وكل واحد على راسه شايل شيل من الهموم
والقلب جوا البشر بقا مقسوم
يوم يفرحوا ويوم مليان بالهموم
يارب فى عيون فاضت منها الدمعات
وقلوب مبقاش حيلتها الا السكات
وكل اللى جواها بس الآهات
ياترى دا يرضيك يارب القواات؟
مايستهلوش طبعا يسألوك شوية تراب
بس للاسف اتكتب عليهم العذاب
وقلبهم من الحزن داب
والفرحه قفلت فى وشهم الباب
عشان كدا بيسالوك يارب الارباب
شعبك يارب اتملكته الاحزان
بقيت دايره تاكل فيهم ذى السرطان
ومصبحش خالى منها اى انسان
القلب عمرته الاشجان
دا يرضيك يارب الاكوان ؟
وطبعا ميستهلوش شوية تراب يسالوك
اوحتى يقربوا منك ويلوموك
بس يارب يا ملك الملوك
ولادك من حبهم ليك بكل حب بيعاتبوك
ارحم عيون اتفجرت منها يارب الاحزان
ادى الفرحة للقلوب والوجدان
عمر الدنيا وزيل اى احزان
ولادك قلبهم للفرحة بقى عطشان
مستنينك يارب الاكوان
تنزع من جواهم اى اشجان
وتحط فيهم الفرحة بكل ايمان
تملأ بفرحتك الكيان
يا عادل يا ديان
منقول
