صوت جوايا جالى وقاللى ليه يهوذا باع وخان
بعد العشرة معاك يا ربى وشرب من نبع الحنان
طيب ليه بطرس أنكر قدام جارية وسط الناس
مش كان أحسن يفكر فى كلامك ليه عن الخلاص
واللص دخل الفردوس بختم خلاصك دون رجوع
خطف الأبدية فى لحظات بإيمانه ع الصليب مرفوع
والمجدلية واقفة بتبكى روحت ظهرت ليها بقيامة
ع التلاميذ راحت تجرى حاملة البشرى بأمانة
حتى الجندى بعد ما طعنك فتّحت عينيه ليه تانى
خلصته يا ربى بفيض حبك وكسب السما فى ثوانى
عجيبة يا إلهى أحكامك وعجيب حبك يا قدير
يا ما فعلت الشر أمامك يا ما بعدت بدون تفكير
وكل مرة أبعد فيها حامل صليبك أمامى
تتحمل فيها أنت يا ربى كل ذنوبى وكل آلامى
أخضع ساجد ليك يا إلهى أقدم ليك ذبيحة شكر
ومهما احترت مع أفكارى أبنك دايما بكل الفخر
بس أرجوك يا ربى ساعدنى أحمل دايما ليك صليب
يقوينى من أجل خلاصى ويقربنى ليك يا حبيب
ومهما يارب كنت ضعيف نعمتك يا إلهى تقوينى
تدينى قيامة لحياتى وصليبك يا مخلص يحمينى
شريف سعد
