لأسف فى ظل العالم ابتعدنا عن ظل المسيح واصبحت الاسره المسيحيه مثلها مثل اى اسره تانيه عرضه فى اى وقت للتفكك الاسرى وعرضه لملايين المشاكل
يعنى بقينا ذينا ذى ولاد العالم ودا بسبب ايه ها بسبب بعدنا عن الله بعدنا عن المسيح وممارسه وصاياه لينا
لو كل واحد وواحده من بدايه الاكليل يصغوا جيدا لصوت الله وخصوصا فى الوصيه اللى فيها الله بيعلن صوته ورغبته فى انه يملك على حياتكم الجديده لو سمعتوا صح ماكنش تبقى فيه مشكله لكن المشكله وللاسف اه بقول للاسف ان العريس والعروسه بينسوا كل حاجه فى الدنيا ومش بيسمعوا اى حاجه غير انهم مركزين النهارده فرحنا
ههههههههههههه اصلهم مش فاهمين
مش فاهمين ان شوشو واقف مستنيهم برا الباب وفابقلهم جامد ومستنى لحظه خروجهم من الكنيسه مستنى اللحظه اللى فيها يلاقيهم شردوا عن الحظيره شردوا عن ممارسة وسائط النعمه شردوا عن حضن الله
عارفه ان كلامى دا هايزعل ناس كتير منى بس صدقونى هى دى الحقيقه
عارفين لو فكر كل عريس وكل عروسه من قبل الاكليل انهم هايبداوا حياه جديده ومسئوليه ستكون على عاتقهم لازم يحطوا فى اعتبارهم انهم مش واحد ولا اتنين لا هما تلاته فى واحد اذاى (هو وهى والمسيح فى النص )وبذلك يصبحوا تلاته فى جسد واحد ويصيروا واحد بس متحدين ومربوطين بالمسيح
ياريت كل اسره تجعل المسيح رأسها ومن بعد الاسره الصغيره ماتكبر ويكون فيه اطفال ياريت مانبعدش عن ربنا بالعكس نعلم ولادنا ونكبرهم فى حب المسيح وظله
نفسى اشوف كل الاسر المسيحيه مواظبه على الصوم والصلاه وحضور القداسات والتناول من الاسرار المقدسه بلا انقطاع
اسفه انى اطلت عليكم
بس مش عارفه اوصلكم انا عايزه اقول ايه
لانى لسه بنوته وماجربتش حياه الاسره وانى اكون مسئوله بس شفت ناس كتير تعبانه
واتمنيت انى فى المستقبل لما يكون عندى اسره انا مسئوله عنها انا والانسان اللى المسيح هايبعتهولى يكمل معايا بقيه المشوار اتمنيت ان اساس بيتى يكون المسيح وحب المسيح
وها احاول اجبلكم مواضيع كلامها اكثر دقه واكثر ثقه
