" ذكريات امرأة " سامرية

[Rena Jesus]

ذكريات امرأة " سامرية "

اليهود مش بيعاملونا خالص ، لكنه ع البير هناك كلمني ، وطلب مني كمان ميه
اتعجبت وسألته : كيف تطلب مني وانت راجل ويهودي ، وأنا امرأة وكمان سامرية ؟

قال لي : ياااااااه للدرجة دية مستغربة مستبعدة ، حد بتاع ربنا يكلمك ويطلب منك
آآآآآآآآآه لو عرفتي وفهمتي ، الله عايز يديكي ايه ، ومين اللي بيكلمك وبيطلب منك
كنتِ فتحتِ باب العشم جواكِ ، وانتِ طلبتِ منه واداكِ ، ماء حي ومنه شربتِ ورواكِ
بطرف عيني بصيت عليه ، وبسرعة فحصت وحللت ورديت عليه : هاتجيبوه منين ؟
البير عميقة والميه بعيدة ، وانت معاكش عدة معاكش دلو !!! انت أعظم من مين ؟

شدّني جاوبه ، كلامه جديد ، مميّز وعجب ، قال لي ببساطة : بيعطش كل اللي شرب
ميتي ميه نوع تاني ، تشربيها وجواكِ تصير حياة ، وسعادة وفرحة ، وحب وينبوع للأبد
أول مرة أسمع كده ، طب ياريت ، أقولك : أعطيني هذا الماء ، ولا أعطش ولا أستقي

وفجأة
اتغيّر الكلام ، دخل في تفاصيل حياتي ، مرآية قدامي ، فؤجِئت بماضيّ كله عارفه
قال لي : هاتي جوزك
هربت من الكلام ، اختصرت وخبيت كل حاجة في جملة قصيّرة : ماليش جوز
طلع عارف التفاصيل كلها ، كلها : صح ، تمام ، كويس اللي قولتيه
وابتدأ يعد 1 2 3 4 5 ، السادس مش جوزك ، قاعدة معاه من غير جواز
عرفتني منين ؟ انت مين ؟ كنت من الأول عارف ؟ ورغم كده كلمتني كده ؟
انت مين ؟ كلامك روحاني ؟ ولغتك حاجة تاني ؟ انت ؟ انت ؟ انت نبي ؟
مش ها أضيع وقت ، لا ، ها أقولك اللي تعبني وضيعني وعثرني وبعّدني
طايفتنا السامرية بيقولوا لينا السجود هنا وكده ، وانتو بتوع ربنا بتقولوا هناك وكده
هنا ولا هناك ، كده ولا كده ؟ تقدر تجاوبني !! ممكن !

احترم سؤالي ، ومع انه عارف الماضي باهتمام وتقدير جاوبني
قاللي : صدقيني ، الساعة جت خلاص ، لا هنا ولا هناك ، لا كده ولا كده
مش طريقة ، كل طريقة وكل تعبير المهم يكون حقيقي وبالروح
همَ دول اولاده اللي بيعبدوه ويسجدوا ليه ، والاب طالبهم وعاوزهم
لقيت جوابه جوه قلبي نور ، وكلامه روح دخلني أحياني
افتكرت كلام بيقولوه دايماً : واحد ها ييجي هايقول كل حاجة اسمه المسيا
سألته : انت ؟ معقول تكون انت ؟ وانا اللي اكتشفه ؟ معقول ؟ معقول ؟

جاوبني وقاللي : أنا اللي بيكملك هو ! أيوه هو ! وانت اللي اكتشفتيه ، أيوه انت !
سبت الجرة وجريت ! قلبي بيرقص ، روحي فرحانة ، جوايا ينبوع وعمال يفيض
ياناس ، ياناس : قاللي كل حاجة ؟ كل حاجة ؟ تعالوا شوفوه وقولولي هو ؟ هو ؟
هو المسيا ؟ ألعل هذا هو المسيا ؟ وأنا اللي اكتشفته وعرفته ؟
وفعلاً سمعوه وشربوا من ميته وصار فيهم ينبوع وقالوا لها : هو هو هو ، فعلاً هو

من كلمات أ/ عادل الفونس

(فيسبوك)

[ميرو]

جميل جدا جدا ربنا يعوضك

[Ƒ̐ὰ̗đƴ]

حلووووووووووة اوى
ربنا يباركك

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم

[virgen mary]

حلوى قوووووووووووووى

[Rena Jesus]

ميرسى لمرورك

[Hany Meshel]

مشاركة اكتر من رائعة
يــ رينا

[Rena Jesus]

ميرسى لمرورك