لو أنت متجوز و عندك اطفال او لو حتى مش مرتبط

[Mary Naeem]

لو أنت متجوز و عندك اطفال او لو حتى مش مرتبط...

إسمع الكلام الجاى ده كويس اوووى علشان هيفرق معاك

لو بتحوش فلوس فى بنك او حتى فى البوستة او حتى بتثتثمرها فى مشروع
بص بقى واسمعنى اووووى

* ولادك هما حصالة تحويشة عمرك*

لما تحب تحوش .. حوش... بس حوش فى ولادك..إستثمر فلوسك فيهم... ولادك هما حصالتك... الى انت هتحطه فيهم دلوقتى هو المكسب الحقيقى ليك

- دخلهم مدرسة حلوه ومتوفرش فلوس وتحطها فى البنك.. لان الى هياخدو فى مدرسه حلوه مختلف تماما عن المدارس اياها الى انت عارفها

- متوفرش انك تأكلهم كويس ( على قد ما تقدر ) جهاز مناعتهم وعضلاتهم ونموهم بيتوقف على نوعية الاكل الى بتأكلهلهم...( الكشرى والفول والطعمية مش بيكبر عضلات ) بتخن وبس... خد بالك من الزبادى واللبن والبروتين ( على قد ما تقدر خليك كريم معاهم ) وربنا يديك وتأكلهم أحسن أكل فى الدنيا وفى نفس الوقت حوش فلوس ليهم فى المستقبل برضو بس مش على حساب الحاضر

- متوفرش تعالجهم عند دكتور كويس او مستشفى خاصه نضيفه .. احسن ما توديهم مستشفى حكومى على قدها والدكاتره فيها مش شاطرين او ليه بيتدربو او حتى التعقيم فيها متواضع ( ابنك لو جاله مرض من مستشفى بالشكل ده هتحزن عليها طول العمر والى انت وفرته فى المستشفى هيروح على طفل مريض ) وربنا خمينا فى الاول والاخر لاننا بنعمل الى علينا والباقى عليه .. لكن مينفعش يكون معاك فلوس وقادر توديه لمكان كويس وتوفر...يبقى حرام عليك بجد

- لو عندك قدرة تدفع اشتراك ( الباص ) بتاع المدرسه .. منفضلك اعمل كده بدل ما تمرمط ولادك كل يوم فى مواصلات وتحرشات ومضايقات وفى الاخر يوصلو البيت مغمى عليهم من الارهاق... لو معاك فلوس..متحوشهاش وروح ادفع اشتراك الباص..لكن لو مش معاك يبقى امين مفيش مشكله ربنا يبعتلك ويحمى ولادك فى كل تحركاتهم

- لو قادر تشجعم بكلمه حلوه..منفضلك قول بدل الكلمه الحلوه مليون كلمه حلوه.. متحوشش فى مشاعرك ليهم كمان..ماهو مش معقول تكون ممعكش فلوس وقولنا اوك..انما كمان مشاعرك الى ربنا خالثك بيها كمان بتوفرها؟؟؟!!! بتوفرها لمين بقى؟؟؟ احنا هنهرج؟؟
ضم ولادك لحضنك ومتوفرش فيهم حنيتك .. حوش حنيتك فيهم لان هما دول الى هيشيلوك لما تعجز...فهمتنى؟؟ رصيد حنيتك ليهم دلوقتى هتاخده منهم مضاعف لما شعرك يشيب

- لما تحب تفسحهم.. روح خرجهم مكان حلو بيحبوه..مش توديهم على الكورنيش تأكلهم ( كوز ذرة مشور ) بأى كلام علشان حضرتك مش عايز تصرف مع ان معاك فلوس بس مش عايز تخرجها... مالها دريم بارك والسندباد؟؟ مش لازم تعمل ده كل مره بس على الاقل وديهم ومتحرمهمش...ولادك بيبصو على زمايلهم وقرايبهم...اه على فكره الفسح دلوقتى بقت من الأولويات مش حاجه اى كلام

- لما ربنا يكون مديلك فلوس..بلاش تدى ولادك مصروف اى كلام مع انه شايفك بتصرف على لبسك واكلك وشربك بمئات الجنيهات لكن عنده هو مش بتديله غير ملاليم( وعلى فكره اديله مصروف متوازن ومصروفو يتقسم على نصين.. نص للمدرسه الصبح ونص تانى لبعد الظهر لو عايز يشترى حاجه اخر النهار ) ولا تديله كتير اوى ولا قليل اوى لكن علمه يحافظ على فلوسو ومتحووش فلوس وتسيبه محروم

فى كل الكلام الى كتبته ده بأكد اووى على ان ترتيب اولوياتك هو الاهم لكن الاهم من كل ده هو ولادك وبيتك ومراتك ..
هتحوش فلوس للمستقبل ..حلو اوى .... طيب والحاضر تعيشه تعبان وانت اصلا مش ضامن هتعيش لبكره وله لا؟
حوش فى ولادك واصرف عليهم حلو علشان دول هم تحويشه عمرك الحقيقيه مش رصيدك فى البنك

* لما ربنا يدينى زوجه واولاد هيكونو هما ومراتى هم اجمل تحويشه عمر ممكن احوش فيها وانا مطمن ان ربنا ضامن وحافظ مستقبلهم

كنت فتى والان شخت لم أري صديقا تخلى عنه ولا زرية له تلتمس خبز ( دى ايه من الانجيل )

خد بالك من ولادك واعمل معاهم كل حاجه حلوه على قد ما تقدر..حوش حوش حوش فيهم فلوسك وحنيتك وحبك واحضانك وعمرك ما هتخسر صدقنى

[مونه هيما]

موضوع قمه فى الروعه
حقيقى استفدت لبكره لما بنوتى تكبر اكيييييييييييييد هاكون مبسوطه وانا بعمل كده انا وجوزى
ده فعلا راى شريك حياتى فى تربيه اطفالنا
شكرا جدا

[Mary Naeem]

شكرا على المرور

[يسوع حياتى]

شكرا يامرمرررررررررررررررر

[Mary Naeem]

شكرا على المرور

[emy gogo]

جميلة واستفدت علشان دلوقتى بنفكر نعمل ايه مع بنوتى
موضوع راااااااااااائع

[Mary Naeem]

شكرا على المرور