ماكس ميشيل ومسرحية رأس السنة فى كنيستنا...

[Mary Naeem]

ماكس ميشيل ومسرحية رأس السنة فى كنيستنا...

احكيلكم عن المسرحيه اللى عملوها الخدام السنه دى
المسرحيه دى بتحكى ان فيه خادم ارثوذكسى والخادم ده ابوه كان تعبان ومريض مرض الموت ..الولد مش عايز ابوه يموت ..راح لف على كل الاديرة وجاب منهم زيت واتشفع بالقديسين كلهم ..لكن الله لم يسمح بشفاء ابيه
... وفى مرة حد قاله ماتروح لماكس ميشيل ..ده بيعمل معجزات ..الواد اتردد الاول وقال لا ده منشق عن الكنيسة ماينفعش اروحله ..لكن الراجل اقنعه قاله انت مش هتخسر حاجة
فعلا راح الشخص ده للاجتماع اللى بيعمله ماكس ميشيل وقابله بعدها وطلب منه انه يشفى ابوه ..فوافق ماكس ميشيل واداه معاد هيروح لهم فيه ...بس طلب منه طلب ..قاله هروحلك بس بشرط اى حاجة بتاعة قديسين عندكم ترموها
وفعلا راح ماكس ميشيل وكانت المفاجأه ...شفى ابوه !!!!
طبعا الشخص ده كره كل ما هو ارثوذكسى وراح لكنيسة ماكس ..وفى يوم راحوله الكهنه والخدام ..راح زعق فيهم وقالهم انتم من صغرنا بتضحكم علينا وتقولولنا شفاعة ومش شفاعة ..قديسين وعقيدة ..كلهم مانفعوش ابويا ..اللى شفاه ماكس ميشيل
المهم الاباء والخدام قعدوا يقنعوه لا يا ابنى دى قوة الشيطان ..لا يا ابنى اوعى تضيع نفسك ..لكن هو ماقتنعش ..
فى النهايه واحدة خادمه قالتله المرة الجايه لما تروح الاجتماع بتاع ماكس ميشيل هو متعود يسلم على الناس بعده ولما تقرب عنده اقرا المزامير ..لان الشيطان مايستحملش المزامير
فعلا الولد راح الاجتماع وهو رايح يسلم عليه ابتدا يقول المزامير ....راح ظهر ورا ماكس شيطان ..وكل مايقرب منه الشيطان يكبر لحد ما قرب منه خالص ...راح الشيطان طلع يجرى وراه
فضل يجرى الخادم والشيطان يجرى وراه لحد لما شاف كنيسة مفتوحة دخل فيها ..لقى اب كاهن حكاله على كل حاجة ..وابونا قاله يا ابنى ضد المسيح يقدر يعمل معجزات ..مش كل معجزة من الله ..وصلى ليه .. واخده من ايده ومشى بيه لحد ماوصله البيت
ملحوظة ..القصة دى حقيقيه ..اتحكت من صاحبها شخصيا لاحد خدامنا
اللى مش فاكر ماكس ميشيل ..ماكس ده اللى عمل روحه بابا بدل البابا شنودة ..كان عايز يعمل رئيس كهنتنا
منقول عن
عقيدتى الاورثوذوكسية

[بنت معلم الاجيال]

ربنا يرحمنا من الهرطقات و البدع

[Mary Naeem]

شكرا على المرور