وقعت وخسرت !! طيب إزاى تقوم ؟؟!!
- ولو وقعت وإنت ماشى فى طريقك ... إعرف إن دى مش النهاية
ممكن تخسر حاجات كانت فى ايدك قبل كده .. بس لازم تتعلم
انك تتعامل مع الوضع الجديد اللى انت فيه
تحاول تدور فى نفسك تشوف ايه اللى فاضل ليك ...
ايه اللى ممكن
تستغله علشان تجدد لنفسك حياتك ...
وتجيب لنفسك كل خير
من تانى .
شوف طريقة حياتك الحالية وحاول تتأقلم عليها
واكسر الحدود
اللى حواليك
حدد لنفسك إطارك من تانى اجمع كل مواهبك وقدراتك من تانى .
بلاش تقول انا خلاص معدتش عاوز حاجة .. انت بتكذب على نفسك
لانك جواك لسه عندك الارادة
لكن اليأس تمكن منك .
افتكر الاصل القديم ليك
والاساس اللى كنت ماشى عليه
~ الاساس ~ ان كان عندك حلم او احلام وبتجتهد علشان تحققها .
وقعت مرة او مرات
واحلامك دى منها اللى ضاع او كلها ضاعت
حاول تانى تشوفها او حاول تشوف غيرك
المهم ان الاساس كان هو إنك تتميز وتحقق نفسك وذاتك .
وده محتاج منك إنك تخلى خيالك وعقلك
يطغى على الحزن اللى جواك
~ استغل خيالك وابداعك وفكر وطور من نفسك
الحياة مش بتيجى للكسول أو اللى ساب نفسه لليأس .
وقعد يبكى على اللى حصله .
الحياة بتأتى لمن سعى لها واجتهد فى كل مرة
واتعلم ان الفشل مجرد محطة على الطريق بيرتاح فيها
ويتعلم ازاى يعدى اللى جاى .
وازاى يتجنب أخطائه وازاى يخطط صح تانى .
~ واعرف دى كل قصة بتنتهى بتفتح بداية لقصة جديدة ~
~ وانت صاحب حياتك وحياتك ملكك انت
انت اللى ممكن تسيبها للضعف والتفكك والنهاية الموت .
وانت اللى تقدر تحدد حدود مملكتك وتقويها وتنميها
" حياتك اختيارك "
إما تبقى فى ازدياد وتفوق أو العكس ..
