وجود مبارك بره الأسوار قد يؤدي إلى كارثة!
تعكف الآن الجماعة الارهابية على الاستفادة من قرار المحكمة اللى مش وقته خالص مع أنه متفق مع صحيح القانون الا أن التوقيت ممكن يخرب مصر، قرار إخلاء سبيلمبارك رغم ان ده مش معناه البراءة لكن هو استنفذ مدة الحبس الاحتياطي لكن تقول ايه في شعب واقع تحت تأثير جماعة تتاجر بالدين والدم والعرض كمان.
يقول محرر وكالة هريدي نيوز: ان مواقع الجماعة والقنوات الفضائية التابعة لها عمالة طول النهار تبث في رسائل للمنتمين للجماعة الارهابية انهم ينشرون بين الناس أن مبارك اخد براءة حتى أن قنوات مصر الفضائية علقت في الجملة وبدل ما تقول إخلاء سبيل على ذمة القضايا المنظورة بقت هي كمان بتقول براءة مبارك، المهم ان القصد من كل الشغلانة دي ان الناس تنزل الشوارع وتهتف ضد مبارك وشويه شويه يتغير الهتاف ضد العسكر وفي آخر اليوم يتقلب الهتاف ضد السيسي، وعلى بالليل كده تلاقى اشتباكات بين مؤيدين للجيش ومعارضين وتطلع الأسلحة والرجالة من كرداسه وسوق يا عم الحاج للحرب الأهلية في مصر.
وأضاف محرر الوكالة: ان أحد مصادره الفشارين تجول بالفعل في كرداسة وشاهد الحشد ده بناءً على الخطة اللي ذكرها المحرر والترويج لفكرة التظاهر ضد الافراج عن مبارك.
وأكد محررنا أن المنقذ الوحيد من كارثة شبح الحرب الأهلية هو إطلاق يد "الرسلانيين" اللي في كرداسة على بتوع السلفية الجهادية والإخوان اللي فيها وهم هايكلوهم اكل، وطبقا لتأكيدات المصدر الفشار فان اعداد الرسلانيين وتسليحهم يفوق الإخوان والسلفية الجهادية بمراحل، ومش محتاجين حد يوجهم هما كده كده مش طايقين وشوش الإخوان ومحتاجين بس إشارة بالرضا من الحكومة!
