باسم يوسف: لا يمكن أنتخب شفيق «والقلقان من الإخوان ياخد منهم وصولات أمانة» ولسة

[Mary Naeem]

باسم يوسف: لا يمكن أنتخب شفيق «والقلقان من الإخوان ياخد منهم وصولات أمانة»

قال الإعلامي باسم يوسف، مقدم برنامج «البرنامج»، على قناة «أون تي في»، صباح السبت، «الناس قلقانة إزاي نتحد مع الإخوان دلوقتي، وهم باعونا قبل كده، رأيي نكتبهم وصولات أمانة، وناخد مقر المقطم رهن، وبيننا المحاكم بقى».
وكتب باسم يوسف، المعروف بسخريته اللاذعة في تغريدات قصيرة، على موقع «تويتر»، «والعصمة تكون في إيدينا، ونمضيهم على قايمة العفش».
وأضاف يوسف: «ولو رجعوا في كلامهم مش قدامهم غير الخلع، ويتنازلوا عن مستحقاتهم، ونطلع إحنا بالمقر والعفش ووصولات الأمانة».
وتابع: «ونشترط عليهم يولعوا في جريدة الحرية والعدالة، و يجيبوا الواد اللي كتب موضوع بانديتا نتسلى عليه شوية، ونشترط عليهم إن صفوت حجازي يعمل ستاند أب كوميدي، و يتكلم عن وامرسااه، والصرف الصحي الإسلامي، وإيراد الحفلة يوجه لحملة لازم باسم».
وحول اختياره لمرشح بعينه في جولة الإعادة، قال باسم يوسف: «لا يمكن أنتخب شفيق، لكن مش حنسى لما الإخوان صقفوا لبكري، وهو بيشتم في الثوار والبرادعي، ومش ممكن أنتخب شفيق، بس مش حنسى لما هتفوا للمشير في جمعة الشريعة».
واستطرد بقوله: «مش ممكن أنتخب شفيق، بس مش حنسى صفوت وشقة العجوزة، وزحف العمائم وانتخاب مرسي جهاد، ومنال أبو الحسن بتقول عليه مدعوم من الله».
وأشار يوسف قائلًا: «مش ممكن أنتخب شفيق، بس مش حنسى مسمى جمعة القطيعة وبانديتا، ولما باعوا الألتراس بعد بورسعيد، وميليشياتهم اللي وقفت قدام مجلس الشعب، ومش حنسى النائب اللي عيط على ابنه، وطلع مع يسري يكرر نفس نظريات المؤامرة بتاعة عكاشة».
وأوضح يوسف، أنه لن ينتخب الفريق أحمد شفيق، مضيفًا في الوقت ذاته في حديثه عن جماعة الإخوان المسلمين بقوله: «مش حنسى لما استعملوا الدين لشيطنة أي حد وقف ضدهم، وسكتوا كل اللي اتكلم ضد الجيش والداخلية في البرلمان، ومش حنسى لما سابوا الناس تموت في محمد محمود عشان يجروا على الانتخابات».
ووصف يوسف الجماعة بالغرور والاستعلاء، قائلا: «مش ممكن حنتخب شفيق، بس مش حانسى تعاليهم وغرورهم واستحواذهم على التآسيسية واحتياجهم للقلة المنحلة اللي زيينا لما يتزنقوا بس».
واختتم باسم يوسف سرده لما كتبه، بقوله: «كام مرة نقول نوصل لبر الأمان، وبعدين نتحاسب وبرضه بيببعونا قبل ما نوصل، مفيش غير رهن مقر المقطم، ويمضوا على قايمة العفش».



معتز نادي




Sat, 26/05/2012 - 11:23





المصري اليوم