الغلطة مش صدفة

[Magdy Monir]

الغلطة مش صدفة









بعد احداث كنيسة القديسين
نزلت مع اب كاهن نفتقد اسر الشهداء فى اسكندرية
وكان معانا خادم من المنطقة هناك ,
طلعنا العمارة وضربنا الجرس لاقينا الست اللى فتحت لنا
لابسة اسود واول ما شافتنا بدأت تعيط هى وبنتها
دخلنا وقعدنا ,
بس اكتشفنا بعدها اننا دخلنا شقة غلط
ومش هى دى الشقة
اللى فيها الشهيد بتاع كنيسة اسكندرية
لكن انا قولت مدام دخلنا
والناس دى حزينة كده يبقى نقعد معاهم
فسألتهم عن سبب الحزن واللبس الاسود
فعرفت ان ابنهم عمره عشرين سنه
مات فى حادثة عربية من حوالى 15 يوم بس ,
وهما مجروحين جدا جدا لسببين
الاول وفاة ابنهم الشاب فى السن ده
والسبب التانى ان من يوم حادثة القديسيين الكهنة
والخدام طالعين نازلين على الشقة
اللى قصادهم اللى فيها شهيد
لكن احنا محدش بيسأل علينا
هنا عرفت ان الغلطة فى رقم الشقة
دى ما كنتش صدفة
دى كانت ترتيب مقصود من ربنا
اننا نفقتد الناس دول
وقولتهم صديقنى يا بنتى
احنا ربنا بعتنا مخصوص ليكم
بالطريقة دى علشان هو عارف مدى احتياجكم للتعزية
ثق ان ربنا هيبعتلك التعزية وقت احتياجك باى وسيلة


هذه القصة حدثت مع ابونا بولس جورج

[يسوع حياتى]

رائعة
شكرا جدا

[اوفا]

فعلاً ربنا حاسس بأولاده فى كل وقت

[Mary Naeem]

شكرا على القصة المثمرة
ربنا يفرح قلبك

[Magdy Monir]

شكراً على مروركم الجميل