مصيفك بمطروح بالتقسيط مع هارمونى وعرض خاص لشهر رمضان

[هارمونى للسياحة الداخلية]

تعلن

هارمونى للسياحة الداخلية
عن أقوى عروضها المميزة بمرسى مطروح صيف 2013
وباسعار لا تقبل المنافسة بشهر رمضان
وعرض خاص جدا لفترة محدوده لحجز رمضان بدءا من
15 /5 حتى 31 /5
بسعر 1150 ج.م للشقة بالإنتقالات
5 أفراد
بمقدم حجز 500 ج.م والباقى قبل رحلتك بأسبوع
بادروا بالحجز العدد محدود
ببرج العمدة بحى الدولار-العوام
شقة 2 غرفة كاملة الفرش والأجهزة تبعد عن البحر 7 دقائق والإنتقالات بأتوبيسات الشركة سياحية مكيفة
للحجز والإستعلام
24548078-01271881503-01224092421

http://www.harmonytravl.com/uploads/1%20%28143%29.JPG

[الصخره]

غالى جدا عرض زى دا فى رمضان

[mourad]

إحذروووووووووووووووا من التعامل مع شركه هارمونى للسياحه الداخليه (هارمونى ترافل) للاسف انا وقرايبى طلعنا معاهم مصيف مرسى مطروح السنه اللى فاتت وندمنا اننا ادبسنا في اسوأ مصيف طلعناه فى حياتنا واللى حصل كالتالى ابن خالى كان شاف اعلان ليهم عن مصيف لمرسى مطروح ع النت وكلمهم وراح لمقر شركتهم اللى فى ولى العهد في حدائق القبه (هى في الحقيقه مش شركه هى مكتب سمسار وبيقولو عليه شركه) وسألهم على مواصفات المصيف وفرجوه على صور لمواصفات الشقه اللى هاننزل فيها وكانت الصور معقوله المهم حجزنا على اساس الصور اللى شفناها ولما رحنا معاهم مرسى مطروح هنا بدأت المعاناه المفروض اننا اول مانروح بنستلم الشقه نضيفه لقينا الشقه اللى مستلمينها عباره عن صفيحه زبااااااااله وطبعا جبنا صاحب الشركه وكل اللى قاله معلش اصل المفروض اللى كانو قبلكو في الشقه ينضفوها قبل مايمشو بس هما ماعملوش كده!!!!! (طب واحنا مالنا) المهم رحنا نضفنا الشقه كلها والحمام اللى كان سئ جدا والمطبخ بعد كده قالنا شيلو فرش السراير عشان يتغسل ويجيلكو اخر اليوم قلناله ازاى ده احنا لسه واصلين مطروح بعد سفر 7 ساعات وانتو لسه بتفكرو تغسلو دلوقتى امال هنام ازاى دلوقتى بعد السفر ده قالنا هو ده النظام ومش عايزين تغسلوه براحتكم فطبعا اضطرينا نشيل الفرش وننام بعد السفر ع المراتب (المعفنه) لحد مايجى الفرش وفوجئنا بان في حاجات المفروض تكون فى الشقه اللى مستلمينها مش موجوده (اطباق-كوبايات-حتى ريموت التلفزيون) قالنا هانبقي نحاول نجيبها وطبعا الكلام ده ماحصلش غير طبعا مستوى الاثاث السئ جدا اللى كان في الشقه بخلاف الصور اللي شفناها في الشركه قبل مانسافر وكله بقى كوم والخناقااااات اللي من اول ماوصلنا مطروح بين الزبائن وصاحب الشركه ده كووووووووم تااااانى والسبب فيها طبعا عدم التزام الشركه بكلامها فى كل مواصفات الشقق المصيفيه ده غير اسلوب واخلاق صاحب الشركه اللى هاكون محترم واقول بس انها كانت زبااااااااله زى الشقق اللى استلمناها وكان الناس نوعين لما بيشوفو قله الادب دى ناس بتعديها وخلاص عشان يحاولو يحسو انهم فى مصيف وناس تانيه ماكانش بيفرق معاها ودول بقي كانو بيعرفوه مقامه كويس ويخلوه يندم انه عمل مصيف اصلا. اكملكم بقى المعاناه اول وتانى يوم صاحب الشركه كان قال انهم هايعملو رحله داخليه للشواطئ البعيده زى الغرام عجيبه وغيره المهم قولنا نروح معاهم عشان الشواطئ البعيده مانعرفش هانروحها ازاى وبعد كام يوم لما ابتدينا نتعرف ع البلد فوجئنا اننا كان ممكن نروح الرحلات الداخليه دى بنص التمن اللى دفعناه للشركه فيها وكمان عن طريق رحلات بحريه مش باتوبيس زى مارحنا معاهم المهم كملنا باقي الاسبوع وطبعا ماكناش مرتاحين لغايه اخر يوم لينا في الشقه اللي قالولنا نصحى فيه من 7 الصبح!!!! عشان الفوج التانى بيوصل 8 ولازم تكون الشقق فاضيه فى الوقت ده وطبعا دى كانت اخر معاناه لينا معاهم ونسيت اقول كمان ان الاتوبيس بتاعهم اللى رحنا ورجعنا فيه كان كمان من غير حمام !!! مع العلم ان مده السفر بالاتوبيس بتاعهم كانت بتاخد من 7 ل8 ساعات تقريبا.نصيحه منى لوجه الله اوعو حد يقع في الغلطه اللي وقعنا فيها دى ووالله الكلام ده هو اللى حصل معانا بالحرف وعايز انصح اى حد بيفكر يروح مطروح انه يروح مع نفسه في اتوبيسات الدلتا او السوبرجيت اللى احسن مليووووووون مره من اتوبيسات المكاتب النصابه دى واول ماينزل مطروح يسال هناك على شقه ياجرها ومتخافوووووش هاتلاقو كتيييييير والاسعار كويسه جدا بتبدى من 70 لليوم تقريبا(ترى البحر) وبتزيد حسب قربها من البحر ودى المعلومات اللى عرفناها لما كنا فى مطروح وكانت الشقق اللي شفناها انضف واحسن مليون مره من اللى صيفنا فيها مع النصابين دول وبنفس اسعارهم وبعد كده عرفت من ناس بالصدفه كانو ادبسو زينا بس في رحلات اليوم الواحد الى بطلعها الشركه دى برضه انها رحلات سيئه جدا عالعموم دى نصيحتى ليكم واتمنى انكم ماتقعوش في شغل النصب ده زى ماحصل معانا.