كتير بنقابل مشاكل كبيره قوى
واحيانا" كمان بتكون كبيره قوى قوى قوى وكتيره
وبنحس ان الحمل تقيل قوى علينا
لدرجة اننا بنتمنى نموت ونخلص من الحمل التقيل ده
لكن بنقف ونسأل ليه احنا عايشين فى المشاكل دى ؟؟
وفين ربنا من كل اللى بيحصلنا ده ؟؟؟
الاجابه هايحسها الانسان لما يحس بخطيته
لما يحس ان الموت مش راحه من المشاكل
لكنه هايبقى بداية التعب والالم
ربنا بيدلنا فرصه عشان نتوب
ومش كده وبس
لكنه كتير بيحافظ علينا
وبيزيد من النعمة كى نقوم
من السقطه او السقطات (الخطايا )
فرصه ورا فرصه ورا فرصه
لو فهمنا
لو حسينا بحبه
لو لمسنا اعماله الصالحه من اجل خلاصنا
ساعتها بس هانشكره
ونقولة مشاكل ايه وهموم ايه وتعب ايه ومرض ايه
دى حاجات بسيطه
هانقوله يارب اشغلنى بالمهم
بابديتى
شكرا" ربى يسوع
