مش عاوزة حد يشوف دموعى

[فرونكا]

مش عاوزة حد يشوف دموعى
*************************

مش عاوزة احكى لحد همى
مش عاوزه حد يحس بألمى
مش عاوزة اتكلم خالص مع حد
حتى لو كان من دمى

مش عاوزة حد يشوفنى ضعفت
او يشوفونى انى انكسرت
مش عاوزة ابكى قدام حد
مش عاوزة اصعب على حد

مخنوقه وقاعده فى حالى
مضايقه وجرالى اللى جرالى
مش برتاح غير لما ابكى
ودموعى مبتنزلش قدام حد
حتى ان كان قريب او بعيد عنى

يمكن بتخاف يفتكروها ضعف او انكسار
وانا احب اكون ديما قويه
ومن جوايا فى بحور اسرار
ومحدش يفهم ايه اللى بيا

احترت انا مع مين هحكى
لمين هروحله واجرى عليه واشكى
محتارة وماسكه دموعى بالعافيه

واللى حواليا اخدوا بالهم
وكل واحد بكلمته مالك ؟فى ايه ؟ ايه اللى جرالك ؟
سكت وقولت مفيش حاجه
مصدعه شويه وهبقى كويسه

ما انا قولتلكم مش عاوزة حد يشوف دموعى

فجأه سمعت ترنيمه حلوة (امسك يارب ايدى )
*بتقول الموج عليا عالى يخطف قلبى منى
*والريح يارب شديده وخايف نفسى تخونى
*والمركب طالع نازل وصخور بتحطمنى

سمعت الجملتين دول
وكأن الكلام جه ع الجرح
جريت على اوضتى
وبصيت لصورته
قولتله : انت بس اللى مش هتشوف دموعى انكسار ولا ضعف
انت بس اللى لما تطبطب عليا هحس براحه
وانك بتطبطب عليا لانك بتحبنى بجد ومش عشان صعبت عليك
انت بس يارب اللى هتحس بيا بجد ومش هتمثل عليا
بكيت !! بكيت بجد
وقولتله عاوزة بس اترمى فى حضنك
عاوزة احس بحنانك محوطنى
مش عاوزة احتاج حاجه من الناس اللى بره
عاوزة احتاجك انت وبـــــــــــــس

صدقونى حسيت فعلا ان فى حاجه بتطبطب عليا
انا بكيت وارتحت
ارتحت لانى بكيت وفضفضت معاه هو وبس

اشكــــرك يارب

[Magdy Monir]

أشكـــــــــــــرك يارب
شكراً أختى فرونكا على المشاركة الجميلة
ربنا يبارك خدمتك

[فرونكا]

ميرسى كتير لمروك الجميل

[Mary Naeem]

جميلة جدا يا قمر
مبحبش عاوزة حد يشوف دموعى