بتبنى ولا بتهد

[walaa farouk]

يا جماعة، الموضوع كبير!
خصص يعقوب اصحاح كامل عن اللسان

.. أنتم متخيلين بيفرق قد ايه!!
نيجي بقى للأية المهمة دي، آية ٩ بيقول: "
بِهِ نُبَارِكُ اللهَ الآبَ، وَبِهِ نَلْعَنُ النَّاسَ الَّذِينَ قَدْ تَكَوَّنُوا عَلَى شِبْهِ اللهِ."

يعني إزاي بنقف نصلي ونقول كلام جميل لربنا،
وفي نفس اليوم بنقول كلام جارح أو بنغلط في حد؟!
يعقوب بيفكرنا إن كل إنسان، مهما كان،
مخلوق على صورة الله، عارف يعني ايه تهين صورة الله
في الانسان اللي قدامك!! لو فهمنا كده، هنكون حريصين أكتر في كلامنا.

اللسان مش حاجة صغيرة، ده ممكن نبني بيه أو نهدم.

صلاتي إني أتعلم أستخدم لساني لمجد الله،
وأتعامل مع اللي حواليّ بحب واحترام، زي ما ربنا علمنا.