يارب ارزقنا اليقين الكامل بحمايتك

[walaa farouk]

عزيزى_الله
أوقات بحس إننا زي ورق الشجر اللي بتلعب بيه الرياح..
والدنيا ساعات بتبقى مليانة عواصف وتحديات تخلي الواحد يسأل:
فين الأمان؟..
لكن كل ما بفكر أكتر في رعايتك لينا.
.بفهم إن حمايتك مش بس في إنك تبعد عننا المخاطر..
لكن كمان في إنك تدينا القوة والشجاعة
علشان نعدي العواصف دي..
أنت اللي بترشدنا في طريق الحياة..
وبتحمينا من إن قلبنا ينكسر أو ييأس..
وبتخلينا نشوف نور الأمل حتى في أصعب الأوقات..
يمكن مش دايمًا بنشوف إيدك وهي بتتمد لينا وتحمينا..
لكنك دايمًا موجود في كل خطوة بنمشيها..
حمايتك لينا زي الشمس اللي بتدفينا من بعيد..
أو زي المظلة اللي بتحمينا من المطر..
أنت شايف اللي إحنا مش شايفينه..وحكمتك أكبر من تفكيرنا..
ساعات حمايتك بتظهر في شكل باب بيتقفل قدامنا..
أو فرصة بنفتكر إننا خسرناها..
لكن أنت الوحيد اللي عارف الصالح لينا وبتوجهنا للخير..
ومع كل تحدي بنقابله..بنتعلم إن التجربة فيها درس كبير..
وإن مهما كانت الرياح قوية..أنت اللي ماسك زمام الأمور..
يارب ارزقنا اليقين الكامل بحمايتك..
وإيمان عميق إنك معانا في كل لحظة..وإنك دايمًا بتحافظ علينا..