قادر يطلعك من وسط مليون واحد تاني

[walaa farouk]

وسط الزحمة فيه حاجات كتير بتتوه ..
وناس كمان بتتوه .. في الزحمة الوشوش بتتشابه ..
والملامح بتدخل في بعض .. وبيبقى صعب علينا جداً التمييز ..
الزحمة بتخوف وبتسبب قلق!
بس اللي يتطمن ان عينين الله من فوق .. رغم الزحمة ..
كاشفة كل واحد فينا ومحدداه!
يعني ربنا قادر يطلعك من وسط مليون واحد تاني ..
ومافيش حاجة في الدنيا ممكن تخليك تغيب عن عينه ..
اتطمن .. عشان ان انت مهما تخيلت انك منسي .. الحقيقة هي إنك متشاف.
بس خلي بالك كمان .. عشان انت مش بس متشاف في الزحمة ..
انت كمان متشاف وانت لوحدك .. يعني الغلط هو كمان متشاف!
مِنَ السَّمَاوَاتِ نَظَرَ الرَّبُّ. رَأَى جَمِيعَ بَنِي الْبَشَرِ.
مِنْ مَكَانِ سُكْنَاهُ تَطَلَّعَ إِلَى جَمِيعِ سُكَّانِ الأَرْضِ. الْمُصَوِّرُ قُلُوبَهُمْ جَمِيعًا،
الْمُنْتَبِهُ إِلَى كُلِّ أَعْمَالِهِمْ. (مز ٣٣ : ١٣ - ١٥)