|
 |
 |
 |
|
|
|
رقم المشاركة : ( 1 )
04 - 08 - 2024, 05:47 PM
|
|||||||||||
|
|||||||||||
 جملة دايما نسمع الكبار يطلبوها من ربنا " يارب انا مش عايز غير الستر و الصحة " اشمعنى الستر ؟ من اجمل نعم ربنا علينا هي الستر ، ربنا ساتر علينا كل يوم ساتر على افكارنا ساتر على نياتنا و مش بس كده ! ربنا بيجملنا قدام الناس اللي حوالينا حتى لو كنا شايفين نفسنا منستحقش بيبقى تفكير كل واحد مننا دايما ازاي يا رب انت ساتر عليا ازاي مستحملني ازاي قابلني و مش فاضحني بخطيتي فيجي بصوته الحنين و يجري عليك زي ما جرى على الابن الضال و يحضنك و ميفتكرش ماضيك ولا يفكرك بيه لانه عايزك انت عشان انت ابنه ♥️ ربنا ستر على المرأة التي امسكت في ذات الفعل و طرد الراجمين و حماها و قالها "يَا امْرَأَةُ، أَيْنَ هُمْ أُولئِكَ الْمُشْتَكُونَ عَلَيْكِ؟ أَمَا دَانَكِ أَحَدٌ؟"، فأجابته بالنفي، فقال لها الديان الإلهي: "وَلاَ أَنَا أَدِينُكِ. اذْهَبِي وَلاَ تُخْطِئِي أَيْضًا". ربنا اتحنن عليها و مرضاش يرجمها ولا يعاقبها على فعلتها بس للاسف ساعات بنكون احنا الراجمون ! كتير مش بنستر على غيرنا و بنستنى فضائح غيرنا عشان ننزلها على السوشيال ميديا ( مين مننا بلا خطية عشان نرميهم بحجر !!) ستر ربنا مالينا و حافظنا من شرور كتير و احنا مش واخدين بالنا فلما تشوف اخواتك محتاجين الستر حاول تكون اول واحد يسترهم و متكونش سبب في حزنهم و وجعهم و احساسهم انهم وحدهم "حَبِيبُ الرَّبِّ يَسْكُنُ لَدَيْهِ آمِنًا. يَسْتُرُهُ طُولَ النَّهَارِ ، وَبَيْنَ مَنْكِبَيْهِ يَسْكُنُ" (تث 33: 12) 
|
 |
| أدوات الموضوع | |
| انواع عرض الموضوع | |
|
العرض المتطور