|
 |
 |
 |
|
|
|
رقم المشاركة : ( 1 )
31 - 07 - 2024, 11:43 AM
|
|||||||||||
|
|||||||||||
 الدنيا مش ساهله قوى زى مانت فاكر كدا، دانا هاخليك تلف البلد كلها على كعوب رجلك ومش هتلاقى حل ... مدير حب يستغل موظف عنده وطلب منه يعمل شغل مش من اختصاصه ، صاحبنا ده رفض بشياكه واعتذر وقاله انا اسف معايا تارجت وبطحن نفسى عشان احققه .. وبصراحه عنده حق ، لانه لو ماحققش مش هايقبض .. المدير قاله مالكش دعوه بالتارجت انت كدا كدا هاتقبض بس ضرورى تخلصلى الشغل ده وهاستلمه منك بعد اسبوع قبل نهاية الشهر ضرورى .. صاحبنا ده وافق وقاله حاضر ، وكان بيبعتله دايما على الواتس لو احتاج اى معلومات تخص الشغل المطلوب منه ، وكل ما يخلص جزء يبعتله ويقوله تمام كدا ؟؟ ويراجع دايما مع المدير.. بعد ما صاحبنا ده خلص الشغل وسلمه ، حصلت حاجه غريبه جداا .. كان فى فويس مبعتوله من المدير انه يخلص الشغل بسرعه ، وكان قايله فيها ارقام لازم يكتبها فيه ، الفويس ده اتمسح من المحادثه ... وهنا بدأ يشك ان فى حاجه غريبه بتحصل . اللى عرفه بعدين ان الشغل ده كان مشروعه ماسكه المدير واختلس منه مبلغ كبير ، وبعد ما الشركه عرفت ، فا حب يجيبها فى الموظف ويقول انها غلطت موظف ... لما واجه مديره باللى حصل قاله" ولا تقدر تعمل حاجه وانت من بكره متحول للتحقيق عشان تبقى تصحصح كويس وانت شغال " صاحبنا اتوقف عن العمل لغاية ما يتحقق معاه ، رجع من شغله وهو حزين جدا ومش قادر حتى يتكلم ، الكلمه بتخرج منها كانها بتشرخ صدره ، لا واسطه ولا حتى مصدر دخل تانى يسنده بطوله فى الدنيا ... صادف انه لقى كلمه مكتوب على سور حيطه " اتكل على ربنا " قال فى نفسه انا طول عمرى متكل على ربنا ايه اللى حصل ؟؟ لبست مصيبه وهاجوع انا وعيالى بسبب ظلم المدير .. قعدت يبكى زى العيل الصغير ، حرفيا بطوله فى الدنيا لا اب ولا اخ ولا حتى قريب يقدر يساعده ... بالليل وهو قاعد عالقهوه الكلام ده كان يوم ١٨ مايو اللى فات الساعه ٨:٢٠ بالليل جاتله رساله من حد صاحبه دايما بيبعت رسايل معزيه عن ربنا وكدا مكتوب فيها " خايف ليه هو انا سيبتك قبل كدا عشان تخاف دلوقتى 😍" الراجل قرا الرساله وكأن ربنا باعتهاله مخصوص وكأنه بيكلمه ويرد على كل شكوكه اللى جواه ... فا اتصل بصاحبه ده وحكاله كل حاجه بالتفصيل ... فا صاحبه قاله على طريقه يقدر يجيب بيها اى صوت او فيديو اتبعاتله على الواتس ، عن طريق ان اى حاجه بيتم تحميلها بتتحفظ اوتوماتك على الموبايل ، بالفعل صاحبنا ده عرف يرجع الفويس وقدمه فى التحقيق ورجع شغله تانى ... عزيزى القارىء مهمل كان الظالم قوى مستحيل ظلمه يستمر ، ده عامل زى الفقاعه بيكبر يكبر لكن ثق تماما مسيره هايختفى لأنه منفوخ هوا .. 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مش خايف عالمستقبل عشان انت راعى |
| شكرا يارب عشان انت الوحيد اللي لسة لحد دلوقتي قابلنى |
| انا مش خايف عشان أنت معايا |
| عشان كدة اوعي تخاف من حاجة |
| شكرا عشان انت الوحيد اللي لسة لحد دلوقتي مارمتش طوبتي |
العرض المتطور