بأجري عليك يابويا في صباح يوم جديد

[walaa farouk]

بأجري عليك يابويا في صباح يوم جديد انت صنعته.
مش جايبة معايا اي حاجة من امبارح مالية فكري وكياني.
لأ لأ. جايالك بصفحة بيضا نضيفة علشان انت تكتب عليها بإيدك.
لو صاحية بحاجة من امبارح، بافتح قلبي قدامك
واقولك اختبرني واعرف افكاري. امتحني.
انظر ان كان في طريق باطل اهدني طريق أبدي
. إنائي النظيف المغسول له عوزة عندك.
اغسلني فأبيض اكتر من التلج.
وعلى صفحة يومي الجديدة دي اكتب انت بايدك.
اچندة النهاردة باستقبلها منك. مستعدة اعمل اللي تطلبه مني.
جربت ازاي ابدِّي شغلك عن شغلي
وشفت معجزات انجاز رهيبة في كل ناحية في حياتي.
عايزة اعيشلك اليوم ده كمان.
عايزة اكون طيعة في ايدك. نضف وداني
علشان أسمعك كويس وأميز صوتك واجري ناحية اللي تشاور عليه.
هي أصلاً حياتي ايه من غيرك؟
معناها ايه لو مش في مشيئتك؟
طعمها ايه وهي مش دايقة حلاوتك؟