اتمتع بمهارته وهو بيأمر كل الأشياء تعمل للخير

[walaa farouk]

الحياة زي الطريق ده .. أجزاء بتكمل بعض ..
وعلشان الطريق يكمل ونعرف نمشي لقدام لازم كل جزء ياخد مكانه
والطريق هاينقص كتير ويضعف لو حاولنا ننقي اللي على مزاجنا وبس ..
الحياة مش هاتبقى حلوة لو كل يوم زي التاني
.. مش هاتبقى حلوة وكلها شبه بعضها .. متعتها هاتروح
.. الحياة بتحلى أكتر لما الصعب ييجي ونقدر عليه
.. بتحلى أكتر بشوية التعب اللي بيخلونا نقدر الراحة
.. وشوية الزعل اللي بيخلوا الفرحة أغلى
.. بتحلى بكل طعم وكل حالة وكل جزء .. بس بشرط واحد
انك تدي كل الأجزاء دي لربنا ف إيده .
. وتتفرج بقى هو ازاي هايعرف ياخد الغموض والقلق والتوتر والاحتياج والمرض والنجاح والفشل والسعادة والهدوء والخسارة والوجع وكل حاجة بتعيشها .. ويحطها في مكانها ويكمل لك طريقك
ويستخدم كل حاجة لتحقيق الهدف وتتميم المشيئة.
فلو انت دلوقتي معاك الجزء اللي مش فاهمه ولا لاقي له مكان .
. روح لربنا .. وسيبه يكمل لك طريقك .. ويرتب للجاي قدام .
. واتمتع بمهارته وهو بيأمر كل الأشياء تعمل للخير
.. وكل الأجزاء تعمل للخطة.
"وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ." (رو 8: 28)