12 - 07 - 2024, 07:40 PM
|
|
|
|
..::| الإدارة العامة |::..
|
|
|
|
|
|
"جمال يعقوب الذي احبه " ( مز ٤٧ : ٤ )
شوفت ايه جمال في يعقوب حبيته يا رب ؟!!
دا مخادع وبيحب المال
شوفت انه عاوزنى عاوز اجي من نسله
طب شوفت ايه في موسى الاسود جمال حبيته يا رب ؟!!
دا زاني سارق قاتل رئيس عصابة فيه كل الشرور والسواد
شوفت قلب بيدور عليا وعايز يعرفني
كل يوم يسأل الشمس واي حد يقابله فين الاله مين ربنا ؟
شوفته تايه يا حبيبي ومتخبط وبيدور عليا بس مش لاقينى
شوفت قلبه من جوة مش أعماله
قلت له تعالى يا حبيبي انا هعرفك ذاتي
يوم ما لاقاني ساب الدنيا وجرى ورايا
شوفت النقطة البيضا اللي في قلبه وسط كل السواد
يا جمال عينيك يا رب 😍
ادينى اشوف غيري واشوف نفسي بعينيك
ادينى اشوف امل في اللي مافيهوش امل
ياما ناس بتدور على راحتها في حاجات كتير بعيدة عنه واتاريهم بيدوروا عليه ومايعرفوش
يوم ما بيلاقوه بيمسكوا فيه زي اللي لاقوا شعاع نور وسط الضلمة
بيوبخوا عدم ايماننا وسطحيتنا لاننا اعتادنا النور
ادينى يا رب اشوف النور في كل حد اقابله واحمينى من مرض اعتياد النعمة والنور
ادينى توبة وتغيير حقيقي
ادينى قلب جديد 🙏
|
