|
 |
 |
 |
|
|
|
رقم المشاركة : ( 1 )
26 - 04 - 2024, 12:35 PM
|
|||||||||||
|
|||||||||||
 البابا كيرلس نظر لي من صورته ال على الكتاب وضحك لي وخلع العمة وحطها قدامه وقالي :تعالي يا سيلفيا .... ============================== 444-: يقول أبونا مرقس عزيز كنا في كندا وكانت (سيلفيا) طفلة 4سنوات وكانت تسمع من أبيها (كمال) وأمها (كاميليا) وهما يحكيان دائما قصصاً عن البابا كيرلس ،ولذلك تشوقت أن تراه وكانت دائما تقول نفسي أشوفه . وذات يوم أصيبت بمرض صدري وأجمع الأطباء انه مرض ميئوس من الشفاء منه وكان الطبيب الذي يشرف على علاجها طبيب يهودي وذات يوم طلبت سيلفيا أن ترى البابا كيرلس وكانوا بالكنيسة ..فقالت لها أمها انزلي شوفيه بالدور الأرضي وكانت تقصد أن تراه من خلال كتب المكتبة الكنسية وفجأة صرخت سيلفيا صرخة مدوية فجعلت الجميع يهرعون اليها لمعرفة ما حدث لها ...فوجدنا وجهها أحمر وساخن فأخذتها في حضني وسألتها عن ما حدث والكلام لأبونا مرقس عزيز فقالت:- شفته وكلمني .....فقلت لها :مين هو ال شوفتيه فقالت : البابا كيرلس نظر لي من صورته ال على الكتاب وضحك لي وخلع العمة وحطها قدامه وقالي :تعالي يا سيلفيا ....فصرخت وجريت ...فطمنتها وأخذت الكتاب وبروزته وحطيته في حجرتها وصارت علاقتها بيه قوية وأصبحت لا تخشاه ....!! : ولما حان وقت الكشف عند طبيبها اليهودي ،،كانت المفاجأة أن تعجب وقال للأم :- أمال فين البنت ال كشفت عليها المرة ال فاتت ؟؟ فقالت له : هي دي ال قدامك .!! فقال الطبيب : يا مدام أنا ما عنديش وقت علشان أهرج ....هي فين البنت المريضة ..؟؟ ال قدامي دي أختها الأم : صدقني يا دكتور هي دي انت ها تعرف أكتر مني ؟ الطبيب : مش ممكن ..البنت دي سليمة تماما وانتي بنتك كانت مريضة وميئوس من شفائها !!! الأم : أصل البابا كيرلس عمل معاها معجزة الطبيب : مين البابا كيرلس ده ؟؟ ....انتي بتصدقي التخاريف دي ...!! الأم : أنا آسفة مش ها أسمح لك تقول كده على البابا كيرلس تاني الطبيب : أنا متاسف ....وعموما هاتي بنتك مرة كل شهر لمدة 3 شهور أكشف عليها وبعدين أقول لك كلمتي الأخيرة في الموضوع ده .... وفي كل شهر يعمل أشعة وتحاليل ويقول لها البنت سليمة وفي المرة الأخيرة قال لها لو جاتلي سليمة المرة الأخيرة أنا ها أكتب تقريري وأقول دي فعلا معجزة : والعجيب إن الام قبل ما تروح للطبيب المرة الأخيرة بحوالي 3 أيام (البنت حالها اتقلب) ....صدرها تعب وأصابتها سخونة شديدة ....!!! فقالت الأم في نفسها : مش ها أقدر أروح للدكتور لأنه أكيد هايشمت فيّ ويقولي آدي ال بتقولي عليها معجزة ولكن جاء موعد الكشف الأخير فاضطرت الأم أن تذهب للطبيب الذي بمجرد أن وجدها تكح قال : هاتوها بسرعة وظل يكشف عليها مدة طويلة ويفحصها بكل دقة وبعد أن انتهى من كشفه أخذ يكتب الروشتة وخلص كتابة الروشتة وش وظهر ثم أخذ الثانية وكتبها وش وظهر أيضا ...ثم الثاثة والأم ها تموت من الرعب وأخيراً لم تطق الأم صبرا وقالت له : خلاص كده وأنا ماشية وها أشوف دكتور تاني فقال لها : اقعدي شوية لما أخلص ...!!! وبعد أن انتهى كانت المفاجاة ......!! قال لها : بنتك زي الفل ....وفعلا البابا كيرلس بتاعكم عمل معجزة وهو ال خففها ...!! فاستردت الأم روحها وقالت أمال ايه ال انت عمال تكتبه ده كله فقال الدكتور : أنا بكتب شهادة دكتور يهودي وبعترف فيها إن القديس بتاعكم ده قديس حقيقي فقالت الأم : أمال ايه دور السخونة والكحة والتعب ال عندها ده؟؟ فقال الطبيب : ده دور عابر مالوش أي علاقة بال كان عندها .....وبنتك صدرها أحسن من صدر كل ال موجودين هنا في العيادة ......!!! وأرجوكي ابعت لي أي كتاب عن البابا كيرلس فقامت الأم والأب بارسال جميع الكتب المتوفرة عن البابا كيرلس باللغتين الانجليزية والفرنسية لهذا الطبيب والعجيب أن كل من دخل عيادته يجد صورة كبيرة معلقة فيها للبابا كيرلس فكيف تحول هذا الطبيب اليهودي من شخص يظن أن المعجزات تخاريف إلي مؤمن بها ؟؟؟!!! سر الرب لخائفيه .............فليتمجد اسم الرب منقولة من فيديو لأبونا مرقس عزيز يتحدث فيه عن ذكرياته مع البابا كيرلس 
|
 |
| أدوات الموضوع | |
| انواع عرض الموضوع | |
|
العرض المتطور