|
 |
 |
 |
|
|
|
رقم المشاركة : ( 1 )
03 - 04 - 2024, 08:21 AM
|
|||||||||||
|
|||||||||||
 رسالة إلى الله مش هاقول لحضرتك كلام متجمّل وأنا مش حاسه. . إنت كاشف الخبايا.. أكيد شايف كل واقعنا اللي مش مفهوم.. واقع مالهوش مسكة.. وكل مادا بيصعب في تحدياته.. شايف كم الوجع والألم اللي غطى البشر المساكين..؟ أكيد سامع أصوات تنهيدات المتألمين المكسورين.. أكيد شايف العوز والإحتياج القهري اللي بيعاني منه آلاف البشر.. ده غير اللي غرقانين في دوامات الترك والهجر والخيانة والخذلان.. أنا جوايا نفس كلام أيوب اللي قاله زمان: مِنَ الْوَجَعِ أُنَاسٌ يَئِنُّونَ، وَنَفْسُ الْجَرْحَى تَسْتَغِيثُ، وَاللهُ لاَ يَنْتَبِهُ إِلَى الظُّلْمِ. (أيوب ٢٤: ١٢) ربي وإلهي يمكن نفس الكلام بيقولوه ناس كتيرة من اللي بيتبعوك.. ونفسهم تتدخل في أوضاع الدنيا ومشاكلها.. بس أنا مصدق في صلاحك وإرادتك اللي كلها بركة وخير ومراحم.. مصدق حتى ولو جوايا أصوات تانية كتيرة مُحبطة.. لأنك مخدعتناش بوعود خيالية.. لكن رسمت لينا طريقنا.. طريق البركة والمعونة والرعاية لكنه كمان هو نفسه طريق الألم والوجع والضيقات.. بصلي لحضرتك إنك تساعدنا نفهم طرقك.. إرسل لينا نورك وحقك في أذهاننا.. ساعدنا نتمم دعوتنا وقصدنا من وجودنا المؤقت في العالم.. ساعدنا نسند بعض ونكون داعمين للضعفاء والمهزوزين قدام رياح العالم العاتية.. شكرًا يا رب لأنك أبونا وإحنا عمل إيديك.. ومنتظرين نشوف الصورة النهائية اللي أكيد هتبقى صورة بديعة رسمتها إيديك الجميلة.. 🙏🌷🙏 إله_كل_نعمة - 
|
 |
| أدوات الموضوع | |
| انواع عرض الموضوع | |
|
العرض المتطور