|
 |
 |
 |
|
|
|
رقم المشاركة : ( 1 )
12 - 03 - 2024, 11:05 PM
|
|||||||||||
|
|||||||||||
 - الصوم معناه = انقطاع عن الأكل.. مفيش حاجة اسمها صايم زيت.. لكن اسمها بصوم (بنقطع) وبعدها بفطر على أكل نباتي.. - الصيام، مش هدف.. لكن هو وسيلة وسيلة بغذي بيها روحي بدل جسدي.. وسيلة بيها بركن احتياجات بتتقلني.. علشان روحي تنشط شوية.. وتقدر تصلي أفضل.. - ربنا بيحبني وانا صايم، وبيحبني وانا مش صايم بنفس المقدار من المحبة.. ولما هحبه.. الأكل بالنسبالي.. مش هيبقى هدف هبقى بأكل علشان اعيش.. مش بعيش علشان آكل. - ربنا بيحبني آكل الاكلة اللي بحبها عادي على فكرة مكتوب ف الانجيل إن ربنا بيدينا ( كل شئ بغني للتمتع ) ربنا أب.. مش هيبقى متضايق اني مستمتع بأكله بحبها.. - الصيام.. بتوصية كتابية انه لازم يكون بينك وبين ربنا يعني مهم ويُفضل.. إن مفيش حد يعرف انك صايم، ربنا حذرنا من الرياء والتظاهر بالصوم.. - الصيام بقصد المسيح.. لازم يكون معاه ( ترك الشر - أعمال رحمة - خفاء ) - في صومي.. لو مش طايق نفسي ولا طايق اللي حواليا بسبب العصبية والجوع.. الأفضل إني أفطر وآكل ( لان علاقتي بأخويا أهم عند ربنا من الصيام ) - الصيام.. صيام عن كل حاجة معطله علاقة حقيقية بربنا، مش مجرد صيام عن الأكل او تغيير أكل.. - الصيام مش بكام ساعة انا صومتها.. لكن بالمقدرة.. والدافع.. ومتابعة إني ماتكبرش بسبب عدد ساعات أكتر أنا صومتها.. - انا مش بصوم للقديسين (زي صوم العدرا مثلاً ❤) لكن انا بصوم زي ما في حدث معين القديسين صاموا حتى لو الاصوام باسمهم ( العدرا - الرسل الخ... ) - الصوم مهم قوي على مستوى نموي الشخصي بيعلمني أقول ( لا ) لنفسي.. وبالتالي ارادتي بتقوى، وبقدر اقول لا لحاجات تانية كتير ممكن تضيعني، - خلاصة كل الكلام اللي فوق.. إن الدافع هو الأهم يعني انا صايم ليه؟ أمين في صيامي ولا منظره؟ ولا بعمل زي ما الناس بتعمل وخلاص ؟ صيامي بِحب ولا بعمله وانا متكدر؟ بتغير في الصوم ولا لا؟ بيخليني احس بالناس واساعدهم ولا لا؟ الكل_صايم كل_صيام_وأنتم_طيبين 😍 الصوم_الكبير 
|
 |
| أدوات الموضوع | |
| انواع عرض الموضوع | |
|
العرض المتطور