زوّادة اليوم:
أنا كمان معي مفتاح
بيخبرو عن صبيّة كانت متضايقة كتير. راحت عالكنيسة بدها تصلّي بس لمّا وصلت لاقت انّو الباب مقفول... وقفت صارت تصلّي برّا بعدين تذكّرت الآية اللي بتقول: اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ (مت 7: 7).
قامت و رجعت دقّت عالباب و جرّبت تفتحو...فتح!!
فاتت صلّت و رجعت سكّرت الباب. هيّي و رايحة عالبيت بتتلاقى بمسؤول الوقف سلّمت عليه و قلها انّو رايح يفتح الكنيسة كرمال القدّاس! قالتلو بس هلّق كنت فوق و الكنيسة مفتوحة و أنا فتت لجوّا! قلها مش معقول المفتاح معي!
ابتسمت البنت و قالت بقلبها: انا كمان معي مفتاح!
أحبائي كلنا معنا مفاتيح الكنيسة و كلنا معنا مفاتيح السما اللي هنّي كلمة الله اذا سمعناها و تذكّرناها و الأهم اذا عشناها و آمننا!
واله معكن.
10 - 02 - 2024, 05:57 AM
رد: زوّادة اليوم: أنا كمان معي مفتاح : 10 / 2 / 2024 /
العرض المتطور