لما حد يعيب فيك

[walaa farouk]

لما حد يعيب فيك او يعيّب عليك او يغتاب سيرتك ..

-يبقى مش عارف يبقى زيك فبيفتكر انه كده علا نفسه
و كبر عليك ، مع انه هو اللى نقص قدام الناس ..

-او بينتقم منك لانه حاسس بالنقص قدامك ،
و فاكر انه كده شفى غليله ، مع ان كده الكره ح يكوى قلبه هو ..

-او عاوز يستدرجك للرد عليه علشان يكسرك
و يغلبك بالكلام و يشتهر على حسك !!
مع ان كده ح يشهرك انت اكتر و يكبرك قدام الناس لو ما رديتش عليه ..

-او بيخبى كراهيته ليك و غيرته منك
، فبدل ما يقولهالك و هو مش طايلك
، يصطاد لك عيوب و ينشرها كذبا قدام الناس ..

فلما حد يجيب سيرتك بالوحش،
اعرف انك نجحت لدرجة انك ازعجته،
و انك نورت قوى لدرجة انك عميته ..

سيبه يتلسوع بنار حقده ، و اوعى ترد عليه
، و سيب الناس تعرف انك كبير قدام نفسنته و قلة اصله
، و اطمن انه علاك و شهرك
و عرف الناس عليك و عمل لك دعاية مجانية من غير ما ياخد باله !!