البنت الطيبة اللطيفه لما مامتها تشوف حد بيستغلها أو بيعاملها بقسوة سواء من الأطفال أو الكبار مع إنها بتعامل الكل بلطف
ولما بتشوفها بتدي كل اللى في ايدها للحواليها بنفس راضيه والأطفال اللى حواليها معظمهم بيعملوا العكس
قلبها بيوجعها عليها قوي😞
وتبدأ تحميها من العالم القاسي ده
بإنها تقولها حاجات زي اللى يضربك اضربية😠
ومتديش حاجه من حاجتك لحد خالص😒
و غيرها من تعليمات ازاي تبقى قاسيه أو بمفهومها ذكية مش طيبة
على أساس إنها بتحميها لما تحول الطيبه دي لقسوة
📌حابه أقولك إنك مش محتاجه تقتلي طيبتها وتعوديها القسوة
🌝لأنها صفة وجزء من شخصيتها لما تتعود على عكسه هتتعب مش هترتاح زي ما أنتِ متخيله
🌝ولأنها لما تتعود القسوه أول حد هتقسوا عليه إنتِ
🌝ولأن الطيبة واللطف دي ميزة قوية لو وظفناها صح
🌱وهنا كل اللى محتاجاه مع توظيف الطيبة واللطف صح في وقتهم ومكانهم المناسب
تعلميها بدل القسوة
🌻الحزم
🌻ووضع الحدود المناسبه
النقطتين دول كافلين يعلموها الذكاء الإجتماعي في المعاملة واللى هيحميها مع الاحتفاظ بهويتها ونقطة قوة خُلقت بها
