زوّادة اليوم: الشّجاعة : 4 / 11 / 2023 /

[souad jaalouk]

زوّادة اليوم:
الشّجاعة

الله معك...

بيخبّروا عن مارتن لوثر كينغ الزّعيم الأمريكي يلّي كان من أصول إفريقيّة، والنّاشط السّياسي الإنساني، المطالب بإنهاء التمييز العنصري ضد السّود سنة 1964 والحائز على جائزة نوبل للسّلام، لمّا سألو عن الشجاعة وكيف سعي لحتّى يكون إنسان شجاع، جاوب من أوّل يوم قرّرت إنّي دافع عن الحريّات شفت حياتي متل سلّم طويل أوّل درجاته ظاهرين قدّام عيوني بس مش قادر شوف آخرو، قرّرت إني إصعد درجات السلم رغم كلّ الصعوبات يلّي بدّا تعترضني على أمل إنّي أوصل لآخر السلم، وبالنّسبة إلي هيدي هيّ الشجاعة.

الزّوّادة بتقلّي وبتقلّك :

على دروب الحياة رح نوقع ورح تعترضنا صعوبات كتيرة، مش عيب إذا وقعنا، الشجاعة إنّو ننهض ونكمّل المسيرة بشجاعة لنوصل لتحقيق الهدف، والله معك.