يا إلهنا الحبيب، إنت وحدك الإله الحقيقي والقدّوس، إنت اللي خلقت العالم بكلمة وعطيتو الحياة، وخلقت فيه الإنسان اللي ضاع بعالم الخطيّة، ورجعت بعتلّو الأنبيا والقدّيسين ومنن إيليّا اللي حارب الأصنام وكلّ الآلهة المزيّفة وضلّ ثابت على إيمانو فيك.
يا الهنا القدير، منشكرك لأنّك بتعلّمنا، من خلال القدّيسين ومن حياتن، كيف نحافظ على إيماننا وعلى كنيستنا من كل التعاليم الغريبة، ومن كل العبادات الخدّاعة، وعطيتنا القدرة إننا نعرف نميّز، متل مار الياس النبي، كيف نعيش الصدق بالإيمان.
يا إلهنا الغالي، نحنا رح نسعى إننا نكفّي المسيرة اللي مشيوها كلّ القدّيسين ونكون على مثالن نعرف نغرف حبّ وحنان من قلبك الطاهر.
01 - 08 - 2023, 05:02 AM
العرض الشجري