زوادة اليوم: حياة التّسليم! : 31/ 7 / 2023 /

[souad jaalouk]

زوادة اليوم:
حياة التّسليم!

مار بطرس الرسول لمَّا مِشي مع يسوع عالمَيّ و خاف و بلَّش يوقَع قلّو الربّ :

"يا قليل الإيمان، لماذا شككت؟" (متّى 14: 31 ).

بتعرفو شو أحلى شي بالدّني؟

حياة التّسليم! لما تسلِّم الله حياتك و تحطّها بين إيديه وتِنساها هونيك! وتكون أكيد بقلبَك و بعقلَك إنّو هوّي رح يدبِّر كل شي لمّا يصير الوقت... إنت عليك شغلتين تسلِّم و تعرِف تنطُر بصَبر!

ما تحطّوا حدود بينكُن و بين الله، سلّموه كل شي و تذكّروا لوين وصِل إبراهيم بتِسليمو لمشيئة الربّ اللّي بيقِلّنا عنّو العهد القديم :

"كذلك أخذ إبنه الوحيد ليقدّمه ذبيحة محرقة، مسلِّماً الأمر لقدرة الله التي تستطيع أن تقيم من الأموات." (عب 11) و بتعرفو كمالِة القصة... الله معكن