|
 |
 |
 |
|
رقم المشاركة : ( 1 )
14 - 07 - 2022, 11:17 AM
|
|||||||||||
|
|||||||||||
 دور البطل في السينما 🦸♂️ علشان يتبروز بيتحط أحيانًا شخصية "صديق البطل" اللي دايمًا دوره أقل من البطل، وأحيانًا بيكون هو عنصر الكوميديا من غبائه اللي بيبروز ذكاء ودهاء البطل. ومن طفولتنا وإحنا في المدرسة كان فيه دايمًا زعيم الشلة ومعاه الولد اللي كل دوره في الشلة إنه رقم 2. لكن تيجي لواحد زي كالب بن يفنة، اللي الظروف حطته في دور صديق البطل. كان واحد من 12 جاسوس بعتهم موسى يتجسسوا أرض كنعان ، ورجعوا كلهم خايفين ماعدا هو ويشوع. ولما الله غضب على الشعب قرر إن ماحدش هيدخل الأرض غير الإتنين اللي صدقوا فيه (كالب ويشوع). الغريب 🤨 إن كل ده ماخلاش كالب يحس بالغيرة ماقالش اشمعنى موسى يختار يشوع يكون تلميذه وأنا لأ؟ 😠 ليه يشوع يكون هو خليفة موسى ويقود الشعب وأنا لأ؟ 😠 ليه أكون مجرد واحد من الشعب وصاحب البطل بس؟ 😠 أنا مش هاكون مجرد سنّيد ورقم 2، أنا زيي زيه ولازم أكون قائد. 😠 كالب لما نقرا عنه في (يشوع 14) 📖 نلاقيه راح ليشوع يفكره بأيام زمان واللي حصل معاهم وفجأة يقول جملة غريبة جدًا.. "وَٱلْآنَ فَهَا أَنَا ٱلْيَوْمَ ٱبْنُ خَمْسٍ وَثَمَانِينَ سَنَةً . فَلَمْ أَزَلِ ٱلْيَوْمَ مُتَشَدِّدًا كَمَا فِي يَوْمَ أَرْسَلَنِي مُوسَى. كَمَا كَانَتْ قُوَّتِي حِينَئِذٍ، هَكَذَا قُوَّتِي ٱلْآنَ لِلْحَرْبِ وَلِلْخُرُوجِ وَلِلدُّخُولِ" (يشوع 14: 10- 11) برغم سني الكبير شوية لكن لسه قادر أساعدك يا يشوع في الحرب وامتلاك الأرض 💪 وطلب من يشوع يسيبله جبل منهم يتولى مهمة امتلاكه. العلاقة دي بتتحداني جدًا.. لأن ظروفها سهل تكون السبب في الغيرة والحقد والتمرد والصراع على السلطة وكتير من الحاجات اللي بنشوفها بتوقع خدمات كبيرة.. واسأل نفسي.. عادي صاحبي في الخدمة ياخد دور قيادي وأنا لأ؟ عادي إني استأذن الشخص ده واحترم الترتيب الموجود علشان أتحرك؟ هساعده عادي واسنده علشان نكمل اللي بدأناه وصدقناه زمان وبداية خدمتنا رغم اختلاف أدوارنا دلوقت؟ شجَّع صاحبك وشريك خدمتك وأعمله منشن في الكومنتات، علشان تفتكروا رؤيتكم وبداية خدمتكم سوا. #يشوع #كالب #الخدمة #الصداقة 
|
 |
|
العرض العادي
