زوّادة اليوم : أرسل روحك أيّها المسيح فيتجدّد وجه الأرض : 3 / 1 / 2022 /

[souad jaalouk]

زوّادة اليوم :
"كان آباؤنا الرسل كقطع من فحم، أشعلتها نار الروح القدس في يوم الخمسين، فتطايرت شراراتها إلى أقاصي الأرض، واشتعل العالم ناراً" - قداسة البابا شنودة الثالث.
و نحنا متل الرسل قطع فحم بهالعالم ناطرة نورك و نارك يا رب حتّى تولع و تنقل النار لقطعة تانية حدها و هيك من وحدة لوحدة بتنقل البشارة! يا رب عطينا متل الرسل روحك القدّوس و خلّينا نستاهل مواهبو حتى نوصّل صوتك لأكبر عدد من الناس. بدون الروح القدس منرجع فحم اسود بلا حياة ما تحرمنا مِنّو يا رب و عطينا نخبّر كل اللي منلتقي فيهن عنّك و اذا ما حكينا خلّيهن يلتقو فيك و يشوفوك من خلالنا حتّى ما يبقى حدا بالعتمة، حتّى الكل يرجع عالبيت لعندك و ما يبقى حدا برّا!
ارسل روحك ايها المسيح فيتجدّد وجه الأرض...