|
 |
 |
 |
|
رقم المشاركة : ( 1 )
25 - 11 - 2021, 07:54 AM
|
|||||||||||
|
|||||||||||
 سوال كل صيام اللبن صيامي ياابونا! السمن النباتي صيامي البسكويت الشيبسي!؟ الناس دايماً تسألني الأسئلة بتاعة كل صيام ميلاد هو الشيبسي اللي عليه لبن فطاري...؟؟؟؟ هو اللانشون والجبنة الصيامي دول صيامي....؟؟؟؟ هو لو الراجل بتاع الفول حطيلنا البتنجان المخلل بملعقة الجبنة يبقى البتنجان بقى فطاري....؟؟؟؟ هو البسكويت اللي فيه مش عارف إيه دة فطاري وللا صيامي...؟؟؟؟ مبدئياً كدة.... كل الناس اللي بتسأل الأسئلة دي أحب أبشرهم إنهم مش هايدوقوا طعم الصوم حتى لو هما صايمين.... ليه بقى.....؟؟؟؟ ..... تعالوا أقولكم ليه..... الصوم عمره ما كان صوم عن الطعام وبس.... ولا هو صوم عن تركيب الأكل.... طيب يعني إيه الكلام دة....؟؟؟؟؟ يعني الجبنة الصيامي بالرغم من إن تكوينها صيامي إلا إنها فطاري.... لإنك ببساطة أشبعت شهوتك ناحية طعام ما.... والشيبسي اللي عليه لبن دة صيامي... لإن ببساطة مشتقات اللبن محطوطة فيه كمادة تحفظه من التلف مش أكتر.... لكن الأفظع والأبشع من إني أقعد أحلل كل أكلة هي فاطرة وللا صايمة هو إننا نسيب عمق الصوم و الترفع عن شهوات الحواس كلها ونقعد نركز في الأكل فطاري ولا صيامي.... أرجوكم بلاش فيريسية.... يفيد بإيه إنك تقعد تفكر في الأكل فاطر وللا صايم على حاجات اسف في الكلمة تافهة وإحنا مابنصونش لساننا عن الخطية ولا بنصون عيوننا وأذاننا وأفكارنا....!!!!!! يفيد بإيه إننا نقعد نقلب في مكونات باكو بسكويت مالهوش طعم علشان لو طلع فيه بيض وللا لبن نقوم نسيبه وإحنا مابنصليش ولا بنتصدق على الفقير ولا بنزور المريض....!!!! أتوسل إليكم..... بلاش نصوم كما لقومٍ عادة ذي الفريسيين وننسى معنى الصوم الحقيقي.... لو نفسك إشتهت أكلة صيامي بعينها هاتبقى فاطر ذي مانفسك تشتهي اللحم تمام.... الحكاية مش في نوع الأكل.... الحكاية في الترفع عن الشهوات الجسدية والأرضية..... الصوم بعيداً عن الفريسية.... قدسوا صوماً كل سنه وانتم طيبين 
|
|
| قد تكون مهتم بالمواضيع التالية ايضاً |
| الموضوع |
| أرجوكم ماتقربوش |
| أرجوكم لا تهتزوا |
| أرجوكم تعالوا |
| أرجوكم تعالوا |
| أرجوكم تعالوا |
العرض الشجري