| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
28 - 10 - 2021, 10:30 PM
|
||||
|
||||
 افتكرت ايام واكنها حصلت امبارح افتكرت لما كنت بدافع عن اشخاص واقول عليهم دول من دمي واكتر من اخواتي وكنت اروح واجي معاهم ويمكن ماسيبهمش لحظه وانهارده مابقوش موجودين مش علشان ماتوا لكن علشان قلوبهم اتغيرت هما فين الناس اللي كنا بنقول عليهم مانقدرش نعيش من غيرهم؟ هما فين الناس اللي كنا بنقول عليهم مقدرش اروح مكان غير وانا معاهم؟ هما فين الناس اللي كنا بندافع عنهم لدرجه اننا ممكن نخسر ناس بسببهم ؟ انهارده الناس دي بيوجعوك من غير ما حتي يشوفوك انهارده الناس دي لو شافوك يعملوا نفسهم مش شايفينك انهارده الناس دي هما اكتر ناس أذوك واكتر ناس حاسسوك انك قليل واللي اكتر من كده لما تشوف اللي من دمك بيتعامل مع الناس اللي أذوك اكنهم اقرب حد ليهم لما تشوفهم بيحضنوا اللي أذوك ويضحكوا معاهم ويخرجوا معاهم واكن جرحك بالنسبالهم رخيص لما تشوف كلامهم علي صور متصورنها مع بعض وانت مش فيها لما تشوف ان بقي وجودك تقيل وسطهم لما تشوف ان لما اسمك يتنطق يقولوا (بس مش عاوزين مشاكل ) ولما تخش وسطهم يبقي وجودك مجرد تسديد احتياجات ليهم وبعدها انت ولا حاجه لما تحتاجهم وماتلاقيهمش لكن تلاقيهم مع اللي جرحوك في ضهرهم وسند ليهم وصورهم ماليا الفيس ضحك لما تستني منهم رساله ولا مكالمه وماتلاقيش ولو اتصلت بيهم تلاقيهم قاعدين مع اكتر ناس جرحتك وصوت ضحكهم مش جوه ودنك لكن سكينه في قلبك وفجأه تسكت وتلاقي نفسك حتي دموعك اتكتمت في الوضع ده قدامك حلين يا افضل موجوع من الماضي يا تبص علي بكره بعين ربنا لو فضلت موجوع من الماضي الناس اللي وجعتك هاتلاقيهم بيكبروا وانت تقل وتفضل محلك سر ولو بصيت علي مستقبلك بعين ربنا الوضع هايختلف هاتبقي نقطه ومن اول السطر من اول السطر لكرامتك لشخصيتك لحياتك لافكارك من اول السطر مع نفسك قبل الناس لو بصيت علي مستقبلك بعين ربنا هايرفع راسك ويقويك ويخليك انسان مختلف حتي في كلامك وساعتها بس مش هاتشوف اللي وجوعك بس هاتشوف اد ايه ان ربنا عمل بيك اعمال كتير بص علي مستقبلك بعين ربنا 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ربنا قادر يرسم مستقبلك احسن ما كنت عايز | walaa farouk | أقوال الأباء وكلمة منفعة | 0 | 06 - 08 - 2022 02:35 PM |
| اختارى بعين ربنا | walaa farouk | شبابيات الفرح المسيحى | 2 | 28 - 07 - 2019 12:34 AM |
| لا تنظر لالهك بعين ظروفك وانظر لظروفك بعين الهك | Mary Naeem | صورة وأية من الكتاب المقدس | 0 | 24 - 10 - 2014 05:59 PM |
| لا تنظر لإلهك بعين ظروفك بل انظر لظروفك بعين إلهك | Magdy Monir | صورة وأية من الكتاب المقدس | 4 | 16 - 04 - 2013 07:32 PM |
| تعليق نصف وجهها برتقالي بعين زرقاء والأخر أسود بعين خضراء | Mary Naeem | غرائب وطرائف وعجائب الصور | 0 | 09 - 04 - 2013 06:22 PM |
العرض العادي
