من كتر الزعل ما بقتش ازعل

[walaa farouk]

زعل الحبايب علي القلب مصايب !

إهمال علي جرح علي قلة قيمة علي إهمال علي عدم تقدير علي عدم اعتنا ..

و اللي يوجع اكتر انك بتموت نفسك لحبايبك و هما مش هنا ..
و اللي يوجع اكتر و اكتر ان الحبيب لما يشوف الغريب يبقي لطيف و خفيف و ظريف
، و معاك يبقي عنيف و مخيف !!

طيب تعمل ايه ؟؟

تجرب تعاتبه، بدل ما يحن و يرق و يتغير ، و بدل ما حتي يساويك بالغريب
، يقسي اكتر و يهاجمك اكتر و اكتر ، و يطلع العيب في "زعلك انت"
، و يحول العتاب عليه لهجوم عليك ، و يطلعك انت اللي غلطان ،
و يكسر في قلبك اكتر ما هو مكسور !

يبقي تعمل ايه ؟؟
بطل تزعل و ريح نفسك ، بدل ما تحمل علي قلبك الحساس
اكتر ما يستحمل لا يتكسر و ما تعرفش تداويه ..

بطل تعاتب ، كتر العتاب مع اللي مش فاهمك و لا حاسس بيك و ناوي يهاجمك
بدل ما يرطب خاطرك ، تبقي قلة قيمة ..

بطل زعل ، و اضحك لبره و انت حابس دمعتك ،
و ما تعاتبش تاني و ما تتوقعش منه اكتر من حجمه ..

كمل تحبه ، و صرف حبك في حبة صلاة علي حبة فضفضة
، و الايام ياما بتداوي، و جروحك بين يدي الله ياما بتتداوي..