لكل يوم زوّادة: "الحياة قصيرة...اصطلح مع أخيك." 17 / 5 / 2021 /

[souad jaalouk]

لكل يوم زوّادة:
بيقول القدّيس اغسطينوس: "الحياة قصيرة...اصطلح مع أخيك."
بتشوف ناس عم تمرض، ناس عم تنتقل من هالأرض متل الحلم بيوم بيكونو بيناتنا شوي بيبطلو، و من ميلة تانية بتشوف ناس عم تتخانق عا اشيا فانية متل هالأرض و اخوة ما بيحكو مع بعضن مدري كرمال شو و ناس عم تتسابق عا مراكز و مناصب كلها باقية هون بالآخر و هنّي رايحين! هالناس مش ناويين يتعلّمو؟ مش ناويين يعرفو انّو ما في شي حرزان و انّو الزعل ما لازم يدوم و انّو الخلافات لازم تنحل بدون عناد؟ هودي كلّن بكرا ربنا رح يسألنا عنّن بدو يقلنا انا وصّيتكن تحبّو بعضكن و انتو تخانقتو! بدّو يقلنا قلتلكن لا تعبدوا ربّين الله و المال و انتو تخانقتو عالمصاري. بدّو يقلنا قلتلكن اذا متخانق مع خيّك روح صالحو رجاع قدّم قربانك و انتو شو عملتو؟ تتخانقو و تفوتو عالكنيسة تتناولو عادي ما كأنّي قلتلكن شي! بلشو صلحو قبل ما يفوت الأوان، اتركو الشر و الزعل و الحقد و حبّو!