|
 |
 |
 |
|
رقم المشاركة : ( 1 )
18 - 01 - 2021, 01:07 PM
|
|||||||||||
|
|||||||||||
 سيبه يحقق نجاحه المكسور سواق ماشى يزمرلك و يسابق و يكسر عليك و علي غيرك اكيد ح يثير اعصابك .. بس لو فكرت خارج الصندوق فكر انه غالبا دي الحتة الوحيدة اللي بيحقق فيها نجاح في دنيا ممكن تكون قسيت عليه و حرمته من تحقيق ذاته .. لما تلاقيه كده ، سيبه يعدي ، اوعي تسابقه او تضايقه ؛ بالعكس ابتسم و انت بتتمني له النجاح في الحتة دي .. نفس الكلام علي الفيس .. مرات تلاقي واحد عمال يعلق و يفند كلامك و يقول رأي معارض ممكن يكون "سطحي" أو مكرر أو باين منه انه لم يقرأ البوست أصلا.. اوعي تتضايق ، سيبه "ينجح" ؛ هو بس ما لقيش حد يسمعه إلا هنا و محتاج ينفث و يفضفض من غير ما تهاجمه أو تكسر مقاديفه.. ح تلاقي نفس الفكرة في الأسئلة اللي في اي ندوة أو حوار .. تلاقي بعد المحاضرة كام واحد وواحدة عمالين يناقشوا و يكرروا في كلام "شكله" مش في الموضوع، و يقفوا و يحاوروا و يجادلوا. . هم بس عاوزين مجال "يظهروا" و "ينجحوا" و حد "يسمعهم" و يحس بيهم.. اوعي تزعل منهم أو من معارضتهم ؛ سيبهم يعبروا عن ذاتهم و يحققوها ، و بذكاء احتويهم من غير غضب أو حساسية.. و مواقف تانية كتير زي كده : الطفل كتير الحركة اللي بيلفت النظر ، و اللي ما عندوش غير اللبس علشان الناس تبص له ، و اللي بيزودها في الضحك و الهزار علشان الناس تعجب بيه .. من الحكمة و الذكاء انك تسيب اللي ما عندوش غير شوية الحاجات اللي علي قده دي انه يعملها و ينجح و يفرح .. و بكره الايام تعلمه أن النجاح الحقيقي في تحقيق كيانه الشخصي الناجح في عمله و عقله ، في خدمة الناس بصدق و إخلاص ، في جمال الأخلاق و حلاوة الطباع .. 
|
 |
|
| قد تكون مهتم بالمواضيع التالية ايضاً |
| الموضوع |
| كما يدقق الإنسان في كلامه، ينبغي أن يدقق في مزاحه وضحكه |
| يعبيص وسر نجاحه |
| يوسف وسر نجاحه |
| شجع طفلك تكسب نجاحه |
| يوسف وسر نجاحه |
العرض العادي
