اختار الاختيار السهل

[walaa farouk]

في الفيلم ده البطلة بتزور طبيب نفساني
و هي محتارة تاخد قرار صعب.
معروض عليها شغل يعتبر فرصة العمر مع أشخاص أذوها نفسيا بشكل كبير.
اللي حواليها قالولها وافقي دي فرصة العمر
و خليكي professional بس هي مرعوبة من فكرة الضغط النفسي
اللي هتبقي فيه.
الطبيب كان بيحكيلها حكاية رحالة هندي
كان نفسه يطلع قمة ايفرست و سافر مع مجموعة
رحالة صينيين رغم انه مكانش بيعرف صيني.
كان الرحالة الهندي متحمس و سبق مجموعته
و كانوا بيصرخوا فيه ينتظرهم لكنه اعتقد انهم بيشجعوه.
لما واجه نمر جبلي استغاث بيهم لكنهم افتكروه بيحييهم و النتيجة ان النمر اكله.
الخلاصة
احيانا احنا بختار الاختيار الصعب علشان نبان اقوي و افضل رغم اننا بنكون مش مستعدين ليه .
الحل اننا نختار الاختيار الاسهل حتي لو الناس اتهمتنا بالجبن او الضعف لاننا فعلا ممكن نكون ببساطة مش مستعدين للاختيار الصعب.
هي في النهاية رفضت الشغل و فضلت راحتها النفسية.