ادخل لعمق الكلام

[walaa farouk]

سوء التفاهم
(و لما جه يتكلم معاها كان يقصد صحبتها مش هي ..
و لما راحت تحكي عنه مكنش هو كان عن صاحبه.)

ممكن تسمع كلمة بالصدفة و تفتكر انها عليك ..
الكلمة دي ممكن تزعلك فتبقي مضايق و تبدأ تبني من جواك مفاهيم عن الاشخاص و تكرهم.
او الكلمة تفرحك و تبدأ تبني امالك عليها و ترسم احلامك.
و الحقيقة ان الكلمة مش عليك اصلا سواء اللي زعلتك او فرحتك بس انت اللي فهمتها كده و حصل سوء تفاهم.
الحقيقة مش كل اللي بنفكر فيه صح 100%
في جزء جاي من الراسل ( الشخص اللي قدامي ) لازم يتفهم صح علشان اقدر استقبل الكلام صح ..
لو عايز تحافظ علي علاقاتك لازم تفهم الناس صح ..
محتاجين نسأل علشان نفهم.
محتاجين نتأكد قبل ما نحكم.
محتاجين نتكلم بوضوح اكتر.
محتاجين نفسر من بعض اكتر.
محتاجين مناخدش الكلام علي اهوائنا.
ادخل لعمق الكلام مع اللي قدامك علشان تفهمه اكتر.
خليكم مدققين في حياتكم و كلامكم.
" (أف 5: 15-16): فَانْظُرُوا كَيْفَ تَسْلُكُونَ بِالتَّدْقِيقِ، لاَ كَجُهَلاَءَ بَلْ كَحُكَمَاءَ،"