كلمة ممكن نكون كلنا بنسمعها بس مش كلنا بنصدقها خصوصاً لو الظروف اللي بنمر بيها صعبة لدرجة إننا مش شايفين إنه ممكن يكون في أحسن .. بس ربنا بيعوض !
يمكن مش في نفس الوقت .. مش بنفس الطريقة .. مش بالحاجة اللي كنت عايزها و فاكرها أحسن بس الأكيد إنه بيعوض ..
الفكرة إن ربنا لما بيسمح بتجربة عمره ما هيعوضك بنفس مقدار الخير اللي كنت فيه قبل التجربة و إلا الموضوع كله هيبقى ملوش لازمة ..
ربنا لما بيسمح بالتجربة بيبقى عشان يقوي فيك ضعف هو شايفة .. و بعد ما هدف التجربة يتحقق .. هيعوضك أضعاف اللي كنت فيه .. بس ثق إن إلهنا إله تعويضات .. !
"يعود ليعطي جمالاً عوضاً عن الرماد"
22 - 05 - 2020, 08:42 PM
العرض الشجري